ഇരട്ട സന്തോഷം! ഈ നഴ്സുമാര് ത്രില്ലടിച്ചു!
ജോര്‍ജിയയിലെ പിഡ്മൗണ്ട് ഏദന്‍സ് റീജണല്‍ മെഡിക്കല്‍ സെന്ററിലെ ടാര ഡ്രിങ്കാര്‍ഡും ടോണി ഹോവേഡും ഇരട്ടസഹോദരിമാരും നഴ്‌സുമാരുമാണ്.
ഹോവേഡ് എന്‍ഐസിയുവിലും ഡ്രിങ്കാര്‍ഡ് ലേബര്‍ റൂമിലുമാണ് ജോലി ചെയ്യുന്നത്. അതുകൊണ്ട് ഇതുവരേയും രണ്ടുപേരും ഒരുമിച്ച് ഒരു രോഗിയേയും ശുശ്രൂഷിക്കേണ്ട അവസരം ഉണ്ടായിട്ടില്ല.
എന്നാല്‍ റബേക്ക വില്യംസ് എന്ന യുവതിയെ പ്രസവത്തിനായി പിഡ്മൗണ്ട് ആദന്‍സ് ആശുപത്രിയില്‍ പ്രവേശിപ്പിക്കപ്പെട്ടതോടെ ടാരയുടെയും ടോണിയുടെയും ജീവിതത്തില്‍ ഒരു ആഹ്ലാദകരമായ വഴിത്തിരിവിന് അവസരമുണ്ടായി.
റബേക്കയുടെ സിസേറിയനില്‍ സഹായിക്കാന്‍ ആശുപത്രി അധികൃതര്‍ നിയോഗിച്ചത് ടാരയേയും ടോണിയേയുമാണ്. ഇരുവരും പങ്കാളികളായ ആദ്യത്തെ സിസേറിയന്‍ ആയിരുന്നു അത്. ഇരട്ട നഴ്സുമാര് സഹായിച്ച ആ പ്രസവക്കേസില്‍ ഇരട്ടപെണ്‍കുഞ്ഞുങ്ങള്‍ക്കാണ് റബേക്ക ജന്മം നല്‍കിയത്.
ഗര്‍ഭധാരണത്തിനുശേഷം 32-ാമത്തെ ആഴ്ചയിലാണ് നവജാത ശിശുക്കളായ അഡിസണും ഇമ്മയും ജനിച്ചത്. ജനിക്കുമ്പോള്‍ രണ്ടു കിലോഗ്രാം തൂക്കം മാത്രമാണ് ഇരുവര്‍ക്കുമുണ്ടായിരുന്നത്.
ടാരയും ടോണിയും ജനിച്ചതും ഇതേ ആശുപത്രിയിലാണ് എന്നതും കൗതുകമായി.
ടാരയും ടോണിയും
തങ്ങള്‍ ജനിച്ച ആശുപത്രിയില്‍ ഇരട്ടക്കുട്ടികള്‍ക്ക് ജന്മം നല്‍കാന്‍ സഹായിച്ചതിന്റെ ത്രില്ലിലാണ് ഇരുവരും.
https://www.facebook.com/Malayalivartha
