വേലക്കള്ളന് കുസൃതി കുതിര!
മടി പിടിച്ചിരിക്കുമ്പോള് എന്തെങ്കിലും ജോലി ചെയ്യണമെന്ന് ആരെങ്കിലും പറഞ്ഞാല് ചിലര് നൂറായിരം കാരണങ്ങള് കണ്ടെത്തും തടസ്സവാദം പറയാന്. എന്നാല് ഇത്തരം പ്രവൃത്തികള് മനുഷ്യന് മാത്രമല്ല മൃഗങ്ങളും ചെയ്യുമെന്ന് തെളിയിക്കുകയാണ് അടുത്തിടെ പ്രചരിക്കുന്ന ഒരു വീഡിയോ.
ജിന്ഗ്യാംഗ് എന്നു പേരുള്ള ഒരു കുതിരയാണ് ഇവിടെ താരം. ഈ കുതിരയുടെ പുറത്ത് കയറി സവാരിക്കു പോകുവാന് ആരെങ്കിലും ഒരുങ്ങി വന്നാല് ചത്ത് വീഴുന്നത് പോലെ അഭിനയിച്ച് കുതിര നിലത്തേക്ക് വീഴും.
ജോലിയൊന്നും ചെയ്യാതെ വെറുതെയിരിക്കുവാന് ആഗ്രഹിക്കുന്ന കുതിരയ്ക്ക് ആരെയും പുറത്ത് കയറ്റി സഞ്ചരം നടത്തുവാന് ഒട്ടും ഇഷ്ടമില്ല. ഫ്രാന്സിസ്കോ സലാസാര് എന്നായാളാണ് ഈ വീഡിയോ പങ്കുവച്ചിരിക്കുന്നത്.
വളരെ മികച്ച അഭിനയമാണ് ഈ കുതിര കാഴ്ചവെക്കുന്നതെന്നാണ് വീഡിയോ കണ്ടവര് അഭിപ്രായപ്പെടുന്നത്. കുസൃതിക്കാരന് എന്ന പേരാണ് ഏവരും ഈ കുതിരയ്ക്ക് സമ്മാനിക്കുന്നത്.
https://www.facebook.com/Malayalivartha
