കാഴ്ചയില്ലെങ്കിലും കേളു എല്ലാം കാണുന്നുണ്ട്, പ്രവീണ, കേളുവിന്റെ കണ്ണ്!
മാതാപിതാക്കള് മക്കളാല് ഉപേക്ഷിക്കപ്പെടുന്ന ഈ കാലത്തെ നല്ല കാഴ്ചയാണ് വയനാടുള്ള ഈ അച്ഛനും മകളും. വയനാട് കാവുംമന്ദം പുത്തന്മിറ്റം കോളനിയിലെ കേളു ലോകത്തെയറിയുന്നത് മകള് പ്രവീണയുടെ തോളില്പ്പിടിച്ചു നടന്നാണ്.
വീട്ടുമുറ്റത്ത് കാഴ്ചയൊരുക്കി നിറയെ പൂക്കള്. കാഴ്ചയില്ലങ്കിലും മുറ്റത്തെ പൂക്കളേയും പൂമ്പാറ്റകളേയും കേളു കാണുന്നുണ്ട്. അച്ഛനെ കേരള ചരിത്രം പഠിപ്പിക്കുകയാണ് ഇപ്പോള് മകള്.
പിച്ചവെക്കുന്ന കാലത്തേ കാഴ്ച നഷ്ടപ്പെട്ടതാണ് കേളുവിന്. ഇരുട്ടുനിറഞ്ഞ ജീവിതത്തില് പിന്നീട് വര്ഷങ്ങള്ക്ക് അപ്പുറം നുറുങ്ങുവെട്ടമായത് മകള്.
അഞ്ചാം വയസുമുതല് അച്ഛന്റെ കാഴ്ച മകള് ഏറ്റെടുത്തു. പുറത്തേക്കു പോകുമ്പോഴല്ലാം അച്ഛനെ കൂടെ കൂട്ടും. അങ്ങാടിയിലും ആഘോഷവേളകളിലും കൊണ്ടുപോകും. എല്ലാ ദിവസവും പാടത്തും പറമ്പിലൂടെ നടക്കും. കണ്ടകാര്യങ്ങളൊക്കെ അതേ പടി പറഞ്ഞുകൊടുക്കും. അവരുടെ മാത്രം ലോകമായി ഈ യാത്രകള്.
https://www.facebook.com/Malayalivartha
