വാവാ സുരേഷ് കിടപ്പുമറിയില് നിന്നും 14 അടി നീളമുള്ള രാജവെമ്പാലയെ പിടികൂടി
കോട്ടയം ജില്ലയിലെ മുക്കൂട്ടുതറ ഇടകടത്തി പുളിമറ്റത്തില് സാബുവിന്റെ വീട്ടിലെ കിടപ്പുമുറിയില് 14 അടിയിലേറെ നീളമുള്ള ഒരു പെണ് രാജവെമ്പാലയെ കണ്ടെത്തി. വാവാ സുരേഷ് എത്തി പിടികൂടി.
കാട് വിട്ടെത്തുന്ന വന്യമൃഗങ്ങള് നെല്ലിമല, അയ്യന്മല, കിസുമം, മൂലക്കയം മേഖലകളിലുള്ളവര്ക്ക് ഭീഷണിയാകുന്നു. ശബരിമല പൂങ്കാവനത്തോട് ചേര്ന്ന ജനവാസകേന്ദ്രങ്ങളാണിത്. നൂറുകണക്കിന് കുടുംബങ്ങള് വനാതിര്ത്തികളിലും ഇതോടു ചേര്ന്ന പ്രദേശങ്ങളിലും താമസിക്കുന്നുണ്ട്. രാത്രിയും പകലെന്നുമില്ലാതെ ജനവാസകേന്ദ്രങ്ങളില് എത്തുന്ന മൃഗങ്ങള് ഭീതി നിറയ്ക്കുകയാണ്.
മിക്ക ദിവസങ്ങളിലും പുലി എത്തി വളര്ത്തു നായ്ക്കളെ പിടിച്ചു കൊണ്ടുപോകുന്നത് പതിവാണെന്ന് നാട്ടുകാര് പറയുന്നു. മൂലക്കയത്തോട് ചേര്ന്ന ഭാഗത്ത് നിന്നു കഴിഞ്ഞ ദിവസവും നായയെ പിടിച്ചിരുന്നു. കാട്ടുപോത്തുകളുടെ വിഹാരം വര്ധിച്ചിരിക്കുന്നു. പകലും ഇവ കൃഷിയിടങ്ങളില് എത്തുന്നു. ചക്കയുടെ മണം പിടിച്ചെത്തുന്ന കാട്ടാനകളും കൃഷി നശിപ്പിക്കുന്നു.
വന്യമൃഗങ്ങള് ജനവാസകേന്ദ്രത്തില് എത്തുന്നത്, നെല്ലിമല, അയ്യന്മല, കിസുമം എന്നിവിടങ്ങളിലേക്കുള്ള റോഡുകളിലൂടെയാണ്. ഈ വഴികളെല്ലാം സന്ധിക്കുന്നത് വനത്തിലാണ്.
റോഡുകളിലെ വഴിവിളക്കുകള് അധികവും കത്തുന്നില്ല. ഇതുമൂലം രാത്രിയില് മൃഗങ്ങള് റോഡുകളിലെത്തിയാല് കാണാനാകില്ല. വരള്ച്ചക്കാലത്ത് വനാതിര്ത്തികളില് താമസിക്കുന്നവര് ഓലികളില് നിന്നാണ് വെള്ളം ശേഖരിക്കുന്നത്. മൃഗങ്ങളുടെ ഭീഷണി മൂലം വെള്ളം സംഭരിക്കാനും കഴിയുന്നില്ല.
https://www.facebook.com/Malayalivartha