കെട്ടിക്കിടക്കുന്ന പ്രളയജലത്തിന്റെ കടലിറക്കം തടയുന്നത് സമുദ്രത്തിലെ വിവിധ പ്രതിഭാസങ്ങളാണ്. 

സമുദ്രം ഇപ്പോള്‍ 25 സെന്റീമീറ്റര്‍ ഉയര്‍ന്നു നില്‍ക്കുകയാണ്. കഴിഞ്ഞ ഏഴു വര്‍ഷത്തെ അപേക്ഷിച്ച് ഉയര്‍ന്ന ജലനിരപ്പാണിത്. വെള്ളം കടലിലേക്ക് ഇറങ്ങുന്നതിന്റെ അളവും വേഗതയും കുറയ്ക്കുന്ന പ്രധാന ഘടകം ഇതാണ്.

സാധാരണയായി വേലിയേറ്റ, വേലിയിറക്ക സമയത്തെ സമുദ്ര നിരപ്പുകള്‍ തമ്മിലുള്ള വ്യത്യാസം 5 സെന്റീമീറ്റര്‍ മാത്രമാണ്. ഓഗസ്റ്റ് 11 മുതല്‍ 15 വരെയുള്ള ദിവസങ്ങളെ അപേക്ഷിച്ച് ഇത് തീരെ കുറവാണ്.

അതുകൊണ്ട് തന്നെ വേലിയിറക്ക സമയത്ത് കടലില്‍ ഇറങ്ങുന്ന വെള്ളത്തിന്റെ അളവ് കുറവാണ്. രണ്ട് ദിവസത്തിനു ശേഷം വേലിയേറ്റ, വേലിയിറക്ക സമയത്തെ സമുദ്രനിരപ്പിന് വ്യത്യാസം കൂടുകയും കെട്ടിക്കിടക്കുന്ന പ്രളയ ജലത്തെ കൂടുതലായി കടല്‍ ഏറ്റുവാങ്ങുകയും ചെയ്യും.

കടല്‍ തീരങ്ങളില്‍ തിരമാലകള്‍ ഇപ്പോള്‍ കൂടുതലാണ്. ഒന്നിനു പിറകേ ഒന്നൊന്നായി തിരമാലകള്‍ കൂമ്പാരം കൂട്ടുന്ന ഈ പ്രതിഭാസം (വേവ് ആന്‍ഡ് വിന്‍ഡ് സെറ്റ് അപ്) .

കരയ്ക്ക് അഭിമുഖമായി അടിക്കുന്ന ശക്തമായ കാറ്റും കരയെത്തുന്നതിന് മുന്‍പ് ചിതറുന്ന തിരകളും കടലിലെ ജലനിരപ്പ് ഉയര്‍ന്നു നില്‍ക്കുന്നതിന് കാരണമാകുന്നു.