റിലീസിങ്ങ് ദിവസം തിയറ്ററില്‍ പോയി തള്ളാതെ തന്നെ വീട്ടിലിരുന്ന് കുടുംബസമേതം എച്ച്ഡി ക്വാളിറ്റിയില്‍ സിനിമ കാണാം. 100 രൂപ മുടക്കേണ്ട ആവശ്യം മാത്രമേയുള്ളു, വീട്ടിലുള്ള എല്ലാവര്‍ക്കും സിനിമ ആസ്വദിക്കാം.
ചലച്ചിത്ര വ്യവസായത്തെ തകര്‍ക്കുന്ന വ്യാജസിഡികളെ ഇല്ലാതാക്കാനും നല്ല സിനിമകള്‍ ജനങ്ങളിലെത്തിക്കാനും ലക്ഷ്യമിട്ടു സി2എച്ച് നെറ്റ്‌വര്‍ക്ക് പ്രൈവറ്റ് ലിമിറ്റഡിന്റേതാണു പുതിയ സംരംഭം. സിനിമ ടു ഹോം എന്നാണു സി2എച്ചിന്റെ പൂര്‍ണരൂപം.
ചേരന്‍ സംവിധാനം ചെയ്യുന്ന ജെകെ എന്നും നന്‍പന്‍ വാഴ്‌കെ എന്ന ചിത്രം 30നു കേബിള്‍ നെറ്റ്‌വര്‍ക്കിലൂടെ റിലീസ് ചെയ്യും. നിത്യാ മേനോന്‍, ഷര്‍വാനന്ദ്, പ്രകാശ് രാജ് തുടങ്ങിയവരാണ് ഇതില്‍ അഭിനയിക്കുന്നത്.
എസിവി, കേരള വിഷന്‍, ഭൂമിക ഡിജിറ്റല്‍, കോഴിക്കോട് കേബിള്‍ കമ്യൂണിക്കേറ്റേഴ്‌സ് ലിമിറ്റഡ്, ഡെന്‍ നെറ്റ്‌വര്‍ക്ക് ഉപയോക്താക്കള്‍ക്കു 100 രൂപ മുടക്കിയാല്‍ വീട്ടിലിരുന്നു സിനിമ കാണാം. സി2എച്ച് നെറ്റ്‌വര്‍ക്കും കേബിള്‍ ടിവി നെറ്റ്‌വര്‍ക്കുകളും തമ്മിലുള്ള വിതരണക്കരാറിന്റെ അടിസ്ഥാനത്തിലാണു പ്രദര്‍ശനം. ഒരു ദിവസം മൂന്നു പ്രദര്‍ശനങ്ങളാണുണ്ടാവുക. തുക നല്‍കിയവര്‍ക്കായി ഒരാഴ്ച സിനിമ പ്രദര്‍ശിപ്പിക്കും.
തമിഴ്‌നാട്, കേരളം, കര്‍ണാടക തുടങ്ങിയ സംസ്ഥാനങ്ങളിലെ 100 തിയറ്ററുകളിലും ഓണ്‍ലൈനിലും 30നു തന്നെ സിനിമ റിലീസ് ചെയ്യുമെന്നു സംവിധായകന്‍ ചേരന്‍ പറഞ്ഞു. അര്‍ജുനന്‍ കാതലി, വാരായോ വെണ്ണിലവേ, അപ്പാവിന്‍ മീസൈ തുടങ്ങിയ ചിത്രങ്ങളാണു സിഎടുഎച്ച് പ്രൈവറ്റ് ലിമിറ്റഡ്, കേബിള്‍ നെറ്റ്‌വര്‍ക്കുകളുമായി ചേര്‍ന്നു പ്രദര്‍ശിപ്പിക്കാനൊരുങ്ങുന്നത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha