പേടിക്കേണ്ടവര്‍ പേടിച്ചോ... സിങ്കം ഇനി ഡിജിപി; ഇരുകൈയ്യും നീട്ടി സ്വീകരിക്കാന്‍ ജനങ്ങള്‍; ഭയപ്പാടോടെ എതിരാളികള്‍
മലയാളികള്‍ ഏറെ ബഹുമാനിക്കുന്ന ഋഷിരാജ് സിംഗ് ഇനി ഡിജിപി. ഇന്നു ചേര്‍ന്ന മന്ത്രിസഭാ യോഗമാണ് ഋഷിരാജ് സിംഗ് ഉള്‍പ്പെടെയുള്ള 4 പേരെ ഡിജിപിയായി സ്ഥാനക്കയറ്റം നല്‍കിയത്. ഋഷിരാജ് സിംഗിനെ കൂടാതെ എ.ഡി.ജി.പിമാരായ ലോക്‌നാഥ് ബെഹ്‌റ, അരുണ്‍ കുമാര്‍ സിന്‍ഹ, ജേക്കബ് തോമസ് എന്നിവരെയും ഡി.ജി.പിമാരായി ഉയര്‍ത്തി.
കേരളത്തിലെ പോലീസ് സേനയില്‍, ഇരുന്ന എല്ലാ സ്ഥാനങ്ങളിലും കഴിവ് തെളിയിച്ച വ്യക്തിയാണ് ഋഷിരാജ് സിംഗ്. കൈക്കൂലിക്കാരായ പോലീസുകാരെ കുടുക്കാന്‍ ലോറി ഡ്രൈവറായി വേഷം മാറി കേരളത്തെ ഞെട്ടിച്ചയാളാണ് ഋഷിരാജ് സിംഗ്.
തുടര്‍ന്ന് മൂന്നാര്‍ കൈയ്യേറ്റക്കാരെ ഒഴിപ്പിക്കുന്നതില്‍ വിഎസിന്റെ വലം കൈയ്യായി. ട്രാന്‍സ്‌പോര്‍ട്ട് കമ്മീഷണറായി ഋഷിരാജ് സിംഗ് വന്ന കാലം നമ്മുടെ ഓര്‍മ്മയില്‍ തന്നെയുണ്ട്. ആരും നിര്‍ബന്ധിക്കാതെ തന്നെ എല്ലാവരും ഹെല്‍മറ്റുകള്‍ ധരിച്ച് വാഹനമോടിച്ചത് സിംഗിന്റെ മികവ് തന്നെയാണ്. മദ്യപിച്ച് വാഹനമോടിച്ചാല്‍ ലൈസന്‍സേ കട്ടാകുമെന്ന് വന്നപ്പോള്‍ കുടിയന്മാരും സിങ്കത്തെ പേടിച്ചു. ഇതോടെ റോഡിലെ മരണ നിരക്കും കുറഞ്ഞു. ഇതിനിടെ സിംഗിന് ആരാധകരുമുണ്ടായി.
പുറകിലത്തെ സീറ്റ്ബല്‍റ്റ് തര്‍ക്കത്തെ തുടര്‍ന്ന് സിംഗ് ട്രാന്‍സ്‌പോര്‍ട്ടില്‍ നിന്നും മാറി കെഎസ്ഇബി വിജിലന്‍സ് ഡയറക്ടറായി. കറണ്ട് മോഷ്ടിച്ച പല വമ്പന്മാരേയും പൊക്കി സിംഗ് അവിടേയും കൈയ്യടി നേടി.
ഇനി സാക്ഷാല്‍ സിങ്കം ഡിജിപിയാണ്. സംസ്ഥാനത്ത് സീനിയറായ പല ഡിജിപിമാര്‍ ഉള്ളതിനാല്‍ ക്രമസമാധാന ചുമതലയുള്ള ഡിജിപി ഉടന്‍ കിട്ടില്ല. എങ്കിലും സംസ്ഥാനത്തെ മൊത്തത്തില്‍ മാറ്റാന്‍ കഴിയുന്ന ജയില്‍ ഡിജിപി തുടങ്ങിയ ഏതെങ്കിലും ഒരു സ്ഥാനത്ത് സിങ്കം എത്താം. സ്ഥാനം ഏതെന്നല്ല. എവിടെയെത്തിയാലും സിങ്കം കസറും.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
