ഈശ്വരാ ! ആരേയാണ് ശിക്ഷിക്കേണ്ടത്... വാവേ…. എന്താ കുഞ്ഞേ സംഭവിച്ചത്….? നിന്റെ തിരിച്ചുവരവ് കാത്തിരുന്ന ഒരു മുത്തശ്ശിയാണ് ഞാന്….. തണുത്ത് വിറങ്ങലിച്ച ആ കുഞ്ഞു ശരീരം….. ഓര്ക്കാന് കൂടി വയ്യ; ദേവനന്ദയുടെ വികാരനിര്ഭരമായ കുറിപ്പുമായി മല്ലിക സുകുമാരനും സുപ്രിയ മേനോനും
കേരളത്തെ മുഴുവന് കണ്ണീരിലാഴ്ത്തിയ ദേവനന്ദയുടെ മരണത്തില് വികാരനിര്ഭരമായ കുറിപ്പുമായി മല്ലിക സുകുമാരനും സുപ്രിയ മേനോനും. കുട്ടിയുടെ തിരിച്ചുവരവ് കാത്തിരുന്ന മുത്തിശ്ശിയാണ് താനെന്നും സംഭവത്തില് ആരെയാണ് ശിക്ഷിക്കേണ്ടതെന്നും മല്ലിക പറയുന്നു. 'വാവേ…. എന്താ കുഞ്ഞേ സംഭവിച്ചത്….? നിന്റെ തിരിച്ചുവരവ് കാത്തിരുന്ന ഒരു മുത്തശ്ശിയാണ് ഞാന്….. തണുത്ത് വിറങ്ങലിച്ച ആ കുഞ്ഞു ശരീരം….. ഓര്ക്കാന് കൂടി വയ്യ ….. ഈശ്വരാ ! ആരേയാണ് ശിക്ഷിക്കേണ്ടത്……'-മല്ലിക സുകുമാരന് കുറിച്ചു. ഒരു അമ്മയെന്ന നിലയിലാണ് സുപ്രിയ തന്റെ വേദന അറിയിച്ചത്. ഇനിയും മനസ്സില് നിറഞ്ഞു നില്ക്കുന്ന ദേവനന്ദയുടെ ചിത്രത്തോടൊപ്പം സുപ്രിയ ഇങ്ങനെ കുറിച്ചു. ദേവനന്ദ എന്ന് പറയുന്നതിന് മുന്പ് പൊന്നു എന്ന ഓമനപ്പേര് ചേര്ത്താണ് ഈ അമ്മ പോസ്റ്റ് തുടങ്ങുന്നത്. 'പൊന്നു (ദേവനന്ദ) എന്ന ആറു വയസ്സുകാരി ഇനിയില്ല. ഒരഞ്ചു വയസ്സുകാരിയുടെ അമ്മയെന്ന നിലയില്, അവളുടെ മാതാപിതാക്കള് അനുഭവിക്കുന്ന മനോവിഷമം എന്തെന്ന് ചിന്തിക്കാന് പോലുമാവില്ല. കുഞ്ഞേ, നിന്റെ ആത്മാവിന് നിത്യശാന്തി നേരുന്നു. ഈ ഘട്ടം തരണം ചെയ്യാന് നിന്റെ അച്ഛനമ്മമാര്ക്ക് ഈശ്വരന് കരുത്ത് പകരട്ടെ,' സുപ്രിയ ഇന്സ്റ്റാഗ്രാമില് കുറിച്ചു.
https://www.facebook.com/Malayalivartha