സോഷ്യൽമീഡിയയിൽ ഇപ്പോൾ വൈറലായി മാറുകയാണ് ഒരു കല്യാണവീഡിയോ. സാധരണ വിവാഹം നടക്കുന്നതിന് മുന്‍പ് ദക്ഷിണ നല്‍കി അനുഗ്രഹം വാങ്ങിക്കുന്ന ഒരു ചടങ്ങുണ്ട്. കല്യാണപ്പെണ്ണ് വീട്ടിലെ മുതിര്‍ന്നവര്‍ക്കെല്ലാം ദക്ഷിണ നല്‍കി അവരുടെ കാലില്‍ തൊട്ടാണ് അനുഗ്രഹം വാങ്ങേണ്ടത്. ഇപ്പോഴിതാ ഈ ആചാരങ്ങൾക്ക് വീപരിതമായി സംഭവിച്ച ചിരി പടര്‍ത്തുന്ന ഒരു വീഡിയോയാണ് സോഷ്യല്‍ മീഡിയയില്‍ വൈറലായിരിക്കുന്നത്. കല്യാണപ്പെണ്ണിന്റെ അമ്മയാണോ ബന്ധുക്കളില്‍ ആരോ ആണോ എന്നറിയില്ല, ഒരു സ്ത്രീ കല്യാണപെണ്ണിനരികിൽ ദക്ഷിണവാങ്ങി അനുഗ്രഹം നല്‍കാന്‍ എത്തിയതാണ് തുടക്കം. പിന്നെ സംഭവിച്ചതായിരുന്നു ട്വിസ്റ്റ്. ദക്ഷിണ വാങ്ങിയ ശേഷം കുനിഞ്ഞ് പെണ്ണിന്റെ കാലില്‍ തൊടുകയായിരുന്നു. ഇതു കണ്ടതും കല്യാണപ്പെണ്ണിനു ചിരിയടക്കാനായില്ല. കല്യാണപ്പെണ്ണിന്റെ കാല്‍ക്കല്‍ കുമ്ബിട്ട സ്ത്രീയും വിവാഹച്ചടങ്ങിന് എത്തിയവരും എന്തിന്, പൂജാരി തന്നെ ചിരിയടക്കാന്‍ പാടുപെടുകയായിരുന്നു.