ലോക്ക്‌ ഡൌൺ ആണ്..കഴിഞ്ഞുപോയതും വരാനിരിക്കുന്നതും ഏറെ ഉത്തരവാദിത്തമുള്ള ദിവസങ്ങളും . കോവിഡ് പ്രതിരോധത്തിൽ നമ്മെക്കാളൊക്കെ ഏറെ അർപ്പണ മനോഭാവം കാണിക്കുന്നവരാണ് ആരോഗ്യപ്രവർത്തകരും കേരള പോലീസും .കേരള പോലീസ് ഈ സമയത്ത് ചെയ്യുന്ന നന്മകളെ കുറിച്ച് ,അവരുടെ ത്യാഗത്തെ കുറിച്ച് ഒറ്റവാക്കിൽ പറഞ്ഞു തീർക്കാൻ നമുക്ക് സാധിക്കില്ല..പൊരിവെയിലിലും കോരിച്ചൊരിയുന്ന മഴയിലും അവർ അഹോരാത്രം ജോലിചെയ്യുകയാണ് .

തങ്ങളുടെ കൃത്യ നിർവ്വഹണത്തിനായി അവർ മാറ്റിവെക്കുന്നത് അവരുടെ സ്വകാര്യ സന്തോഷങ്ങളാണ് .തിരുവനന്തപുരത്തെ കഴക്കൂട്ടം ജനമൈത്രി പോലീസ് സ്റ്റേഷനിലെ ബീറ്റ് ഓഫീസർ എസ് കെ ഷിബിന്റെ വിവാഹ വാർഷിക ആഘോഷമായിരുന്നു ഇന്നലെ.ഷിബിനാകട്ടെ ഡ്യൂട്ടിയിലും .അതുകൊണ്ടുതന്നെ സഹപ്രവർത്തകരൊക്കെ കൂടി ആ വിവാഹവാർഷികം ഒരു കേക്ക് മുറിച്ചെങ്കിലും ആഘോഷിക്കാൻ തന്നെ തീരുമാനിച്ചു.എല്ലാ കോവിഡ് നിയന്ത്രങ്ങളും പാലിച്ച് അങ്ങനെ ബീറ്റ് ഓഫീസർ ഷിബിന്റെയും ഭാര്യ സൗമ്യയുടേയും ഒൻപതാം വിവാഹ വാർഷികം ഡ്യൂട്ടി തിരക്കിനിടയിലും സ്റ്റേഷനിലെ പോലീസുകാർ ചേർന്ന് കേക്ക് വാങ്ങി SI സന്തോഷ് കുമാറിന്റെ സാന്നിദ്ധ്യത്തിൽ മുറിച്ച് ആഘോഷിച്ചു ..ഇനി കഴക്കൂട്ടം പോലീസ് സ്റ്റേഷനിലെ എല്ലാ പോലീസുകാരുടേയും വിവാഹ വാർഷികം സ്റ്റേഷനിൽ ആഘോഷിക്കാനാണ് കഴക്കൂട്ടം ജനമൈത്രിപോലീസിന്റെ തീരുമാനം.
കഴിഞ്ഞ ആഴ്ച SI സന്തോഷ് കുമാറിന്റെ വിവാഹ വാർഷികം സ്റ്റേഷനിൽ പോലീസുകാർ ആഘോഷിച്ചിരുന്നു.. അന്നു മുതലാണ് സ്റ്റേഷനിലെ മുഴുവൻ പോലീസുകാരുടേയും വിവാഹ വാർഷികം ഇത്തരത്തിൽ ആഘോഷിക്കുമെന്ന് തീരുമാനമെടുത്തത്.

കോവിഡ് -19 സമൂഹത്തിൽ പടർന്നുപിടിച്ചപ്പോൾ കേരളം സാക്ഷ്യം വഹിച്ചത് കേരള പോലീസിന്റെ മറ്റൊരു മുഖമായിരുന്നു.എത്രതന്നെ ജനകീയ വത്കരിച്ചാലും പോലീസ് എന്നാൽ ജനങ്ങളിൽ നിന്ന് അകന്നു നിൽക്കുന്ന ഒരു വിഭാഗമായാണ് പലരും കണക്കു കൂട്ടിയിരുന്നത്. എന്നാൽ കൊറോണ എന്ന മഹാ വിപത്ത് നാടിനെ വരിഞ്ഞു മുറുകുമ്പോൾ കേരള പോലീസിന്റെ മറ്റൊരു മുഖം നാം കാണുകയായിരുന്നു. നമുക്കു വേണ്ടി പൊരിവെയിലിലും കോരിച്ചൊരിയുന്ന മഴയിലും അവർ സ്വയം സുരക്ഷയെ അവഗണിച്ചു കൊണ്ട് നിരത്തുകളിൽ കർമ്മ നിരതരാണ്..അതുകൊണ്ടുതന്നെയാണ് അവരുടെ കൊച്ചു കൊച്ചു സന്തോഷങ്ങൾ നമുക്ക് വലിയ വർത്തയാകുന്നതും.