ഇന്ത്യന്‍ ജനതയില്‍ ഇതിനോടകം 15 ശതമാനം പേര്‍ കോവിഡിനെതിരെ സ്വയം പ്രതിരോധ ശേഷികൈവരിച്ചതായി പഠനം. അതായത് രാജ്യത്തെ 18 കോടി ജനങ്ങള്‍ കോവിഡിനെതിരെ പ്രതിരോധ ശേഷി ഇതിനോടകം കൈവരിച്ചു കഴിഞ്ഞു. കോവിഡിനെതിരെ മരുന്നുകള്‍ ഇല്ലാതെ തന്നെ ഇത്രയും അധികം പേര്‍ പ്രതിരോധ ശേഷി കൈവരിച്ചുവെന്നത് ആശ്വസകരമാണെങ്കിലും സമൂഹവ്യാപനമെന്ന വിപത്തിന് ഇത് ആക്കം കൂട്ടുന്നതാണ്. രാജ്യത്തെ പ്രമുഖ ലാബോറട്ടറി ശൃംഖലയായി തൈറോകെയര്‍ നടത്തിയ പഠനത്തിലാണ് ഈ പുതിയ കണ്ടെത്തല്‍.

ഇന്ത്യന്‍ ജനത പ്രതിരോധ ശേഷികൈവരിക്കുന്നുവെന്ന പ്രതീക്ഷ നല്‍കുന്ന ഈ വിവരം ട്വിറ്ററിലൂടെയാണ് തൈറോകെയര്‍ സ്ഥാപകനും എം.ഡിയുമായ അരോകിയ സ്വാമി വേലുമാനി ലോകത്തെ അറിയിച്ചത്. രാജ്യത്തെ വിവിധ ഭാഗങ്ങളിലായുള്ള 53000 പേരിലാണ് പരിശോധന നടത്തിയത്. ഇതില്‍ 15 ശതമാനം പേരില്‍ സാര്‍സ് കോവ് 2 എന്ന കോവിഡിന് കാരണമാകുന്ന വൈറസിനെ പ്രതിരോധിക്കാന്‍ ശരീരത്തില്‍ ആന്റീബോഡി രൂപപ്പെട്ടതായി കണ്ടെത്തിട്ടുണ്ട്. പരിശോധനയില്‍ പ്രതിരോധ ശേഷി കൂടുതലായതിനാല്‍ രോഗം വന്നോ ഇല്ലയോ എന്നു പോലും അറിയത്താവരുടെ എണ്ണം വളരെ കൂടുതലാണെന്നും കണ്ടെത്തിട്ടുണ്ട്. 18 കോടി ഇന്ത്യക്കാര്‍ക്ക് ഇതിനകം തന്നെ വൈറസിനെതിരെ പ്രതിരോധശേഷി കൈവരിച്ചതായി പഠനം വ്യക്തമാക്കുന്നു.

ശരീരത്തിന്റെ ഉയര്‍ന്ന പ്രതിരോധ ശേഷി സാമൂഹ്യ വ്യാപനത്തിന് തെളിവായും ചൂണ്ടിക്കാട്ടുന്നുണ്ട്. രോഗപ്രതിരോധ ശേഷി കൈവരിച്ച അയാളില്‍ നിന്നും മറ്റൊരാളിലേക്ക് രോഗം പടരാനുള്ള സാധ്യത തള്ളികളയാന്‍ സാധിക്കില്ല. ഇത് ലോകാരോഗ്യ സംഘടനയും സമ്മതിക്കുന്നുണ്ട്. രോഗ ലക്ഷണങ്ങള്‍ ഇല്ലാത്തുകൊണ്ട് തന്നെ താന്‍ വൈറസ് ബാധിതനാണെന്ന് രോഗി അറിയില്ല. അതുകൊണ്ട് തന്നെ കോവിഡ് മാനദണ്ഡങ്ങള്‍ പാലിക്കുന്നുണ്ടെന്ന് ഉറപ്പുവരുത്താനും ശ്രദ്ധിക്കില്ല. ഇതാണ് ആശ്വാസത്തിന് വിലങ്ങു തടിയാകുന്നത്.

പഠനത്തിന്റെ അടിസ്ഥാനത്തില്‍ മഹാരാഷ്ട്രയിലെ താനെയാണ് ഏറ്റവും അധികം പോസ്റ്റീവ് കേസുകളുകള്‍ കണ്ടെത്താന്‍ സാധ്യതയുള്ള പ്രദേശം. 44 ശതമാനം പേരിലും ഇവിടെ രോഗം കണ്ടെത്തിയേക്കാം എന്നാണ് പഠനം ചൂണ്ടിക്കാട്ടുന്നത്. ബെംഗുളൂരുവിലെ ദശരഹള്ളിയിലും ഇത്തരത്തില്‍ 44 ശതമാനം കോവിഡ് രോഗികളെ കണ്ടെത്താന്‍ സാധ്യതയുണ്ട്. ന്യൂഡല്‍ഹിയിലെ ആനന്ദ് നഗരിലും ഹൈദരാബാദിലെ ജൂബിലിയിലും ഇത് യഥാക്രമം 37.7 ശതമാനവും 37.3 ശതമാനവുമാണ്. ഇത് സമൂഹ്യ വ്യാപനം തന്നെയെന്നാണ് പഠനം വിലയിരുത്തുണ്ട്. ഇതിനോടകം രാജ്യത്തിന്റെ വിവിധ ഭാഗങ്ങില്‍ നിന്നായി 60000 സാമ്പുകള്‍ തൈറോകെയര്‍ പരിശോധിച്ചിട്ടുണ്ട്.