ഭര്ത്താവിന്റെ കറുത്ത നിറത്തോടുള്ള വെറുപ്പ്, ഭാര്യ ഭര്ത്താവിനെ അടിച്ചുകൊന്നു
ഭര്ത്താവിന്റെ നിറം കറുപ്പാണെന്ന് ആരോപിച്ച് 22കാരനെ ഭാര്യ ചുറ്റികയ്ക്ക് തലയ്ക്കടിച്ചുകൊന്നു. ഗുജറാത്തിലെ ആനന്ദ് ജില്ലയിലാണ് സംഭവം. പോലീസ് നടത്തിയ അന്വേഷണത്തില് ഫര്സാനോബാനോ(22) എന്ന യുവതി പിടിയിലായി. ഫാറൂഖ് മാലിക് എന്ന യുവാവണ് കൊല്ലപ്പെട്ടത്. രണ്ട് വര്ഷങ്ങള്ക്ക് മുമ്പായിരുന്നു ഇരുവരുടെയും വിവാഹം. എന്നാല് ഈ കാലയളവില് ഇരുവരും കുടുംബമായി കഴിഞ്ഞിരുന്നില്ലെന്ന് പോലീസ് നടത്തിയ അന്വേഷണത്തില് കണ്ടെത്തി. ഫാറൂഖിന്റെ ശരീരത്തിന്റെ കറുത്ത നിറം ഫര്സാനയില് വെറുപ്പ് ഉളവാക്കിയിരുന്നു.
ഇതില് പ്രതിഷേധിച്ച യുവതി വിവാഹ ശേഷം ഭര്ത്താവിനൊപ്പം താമസിക്കാതെ സ്വന്തം വീട്ടില് തന്നെ താമസിച്ചു വരുകയായിരുന്നു. ഇതിന്റെ പേരില് ഇരുവരും പലപ്പോഴും വഴക്കിട്ടിരുന്നതായും പോലീസ് വ്യക്തമാക്കി. പത്തു ദിവസങ്ങള്ക്ക് മുമ്പാണ് ഫര്സാന ഫാറൂഖിന്റെ വീട്ടില് തിരികെയെത്തിയത്. തുടര്ന്ന് ലൈംഗിക ബന്ധത്തില് ഏര്പ്പെടുന്നതിനെ ചൊല്ലി ഇരുവരും വീണ്ടും തര്ക്കത്തിലേര്പ്പെട്ടു.
കഴിഞ്ഞ ദിവസം നടന്ന വാക്കുതര്ക്കത്തിന് ഇടയില് ഫാറൂഖ് ഫര്സാനയെ മര്ദിച്ചതായും റിപ്പോര്ട്ടുണ്ട്. തുടര്ന്ന് വ്യാഴാഴ്ച ഫാമില് നില്ക്കുകയായിരുന്ന ഫാറൂഖിന്റെ തലയില് പുറകിലൂടെ എത്തിയ ഫര്സാന ചൂറ്റിക ഉപയോഗിച്ച് അടിക്കുകയായിരുന്നു. ഫര്സാനയെ കൊലപാതക കുറ്റം ആരോപിച്ച് അറസ്റ്റ് ചെയ്തതായി പോലീസ് അറിയിച്ചു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha