പിടഞ്ഞു മരിക്കാന് അനുവദിക്കാതെ എന്നെ കൊല്ലണമെന്ന് പറഞ്ഞ് മയൂരന് സുകുമാരന് വധശിക്ഷയേറ്റുവാങ്ങി
മയൂരന് സുകുമാരന്റെ ആഗ്രഹം പോലെതന്നെ കൊലയാളിയുടെ കണ്ണുകളില് തറപ്പിച്ചുനോക്കി വധശിക്ഷയേറ്റുവാങ്ങി. ഓസ്ട്രേലിയക്കാരായ മയൂരന് സുകുമാരന്,ആന്ഡ്രൂ ചാന്, ബ്രസീല് സ്വദേശി റോഡ്രിഗോ ഗുലാര്ട്ടെ എന്നിവരെയാണ് ഇന്തോനേഷ്യന് സര്ക്കാര് വധശിക്ഷയ്ക്ക് വിധേയമാക്കിയത്. വെടിയേറ്റു വീഴുന്നതുവരെ രക്ഷപ്പെടാന് പ്രാര്ത്ഥിക്കണമെന്ന് കഴിഞ്ഞ ദിവസം ജയിലില് സന്ദര്ശിച്ച അമ്മയോടും സഹോദരിയോടും സുകുമാരന് പറഞ്ഞിരുന്നു. വധശിക്ഷ നടപ്പാക്കുന്നതിന് മുമ്പ് പിടഞ്ഞ് മരിക്കാന് തനിക്ക് ഇഷ്ടമല്ലെന്നും പെട്ടന്ന് മരിക്കുന്ന സ്ഥലത്ത് വെടിവെയ്ക്കണമെന്നും ആരാച്ചാരോട് പറഞ്ഞാണ് മയൂരന് സുകുമാരന് വധ ശിക്ഷയ്ക്ക് തയ്യാറായത്. വധ ശിക്ഷക്കെതിരെ പ്രതിഷേധവുമായി ലോകരാജ്യങ്ങള് രംഗത്തെത്തി. ഇന്തോനേഷ്യയുടെ നടപടിയെ ക്രൂരവും അനാവശ്യവുമെന്നാണ് ഓസീസ് പ്രധാനമന്ത്രി ടോണി അബട്ട് വിശേഷിപ്പിച്ചത്.
ഇന്നലെ നുസക്കന്ബാന്ഗന് ഐലന്റിലെ ബെസി ജയിലില് വികാരനിര്ഭരമായ നിമിഷങ്ങളാണ് അരങ്ങേറുന്നത്. വധശിക്ഷ യേറ്റുവാങ്ങുന്നവരുടെ കുടുംബാംഗങ്ങള് അവസാനമായി തങ്ങളുടെ പ്രിയപ്പെട്ടവരെ കാണാന് ജയിലിലെത്തി. സുകുമാരന്റെ അമ്മയും സഹോദരിയും അടക്കമുള്ള കുടുംബാംഗങ്ങളാണ് ജയിലില് എത്തിയത്. അമ്മയെയും സഹോദരിയെയും കെട്ടിപ്പിടിച്ച് സുകുമാരന് യാത്രമൊഴി ചൊല്ലി. അതേസമയം തന്റെ കാമുകി ഫെബ്യാന്തി ഹെറിവില്ലയെ ചാന് ജയിലില് വച്ച് വിവാഹം കഴിച്ചാണ് വിടവാങ്ങിയത്.
മയക്കുമരുന്ന് കള്ളക്കടത്ത് കേസിലെ പ്രതികളെ കൂട്ടമായി വധശിക്ഷയ്ക്ക് വിധേയമാക്കിയ സംഭവത്തില് ഇന്തോനീഷ്യയ്ക്കെതിരെ പ്രതിഷേധവുമായി മറ്റു രാജ്യങ്ങള് രംഗത്തെത്തി. വധിക്കപ്പെട്ടവരില് രണ്ടു പേര് ഓസ്ട്രേലിയന് പൗരന്മാരും ഒരാള് ബ്രസീലുകാരനുമാണ്. പ്രതിഷേധത്തിന്റെ ഭാഗമായി ജക്കാര്ത്തയിലെ സ്ഥാനപതിയെ ഓസ്ട്രേലിയ തിരിച്ചുവിളിച്ചു. വധശിക്ഷയില് ബ്രസീല് കടുത്ത ആകുലത രേഖപ്പെടുത്തി.
അതേസമയം, ഫിലിപ്പീന്സ് യുവതിയുടെ വധശിക്ഷ നടപ്പാക്കുന്നത് ഇന്തോനീഷ്യ അവസാന നിമിഷം പിന്വലിച്ചു. യുവതി രണ്ടു കുട്ടികളുടെ അമ്മയാണ് എന്നതു പരിഗണിച്ചാണ് ഈ തീരുമാനം.
ശിക്ഷ നടപ്പാക്കുന്നതിന് മുന്പ് പ്രതികളെ കാണുന്നതിന് ബന്ധുക്കള്ക്ക് ജയിലധികൃതര് അനുവാദം നല്കിയിരുന്നു. പ്രതികള്ക്കെതിരെ 2006ല് കുറ്റപത്രം സമര്പ്പിച്ചതു മുതല് ഇവരെ മോചിപ്പിക്കുന്നതിനുള്ള നീക്കങ്ങള് ഓസ്ട്രേലിയ നടത്തിവരികയായിരുന്നു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
