ജലീലിനെ സിപിഎം തള്ളുന്നു; സംരക്ഷിക്കാന്‍ പിണറായിയുടെ കണ്ണൂര്‍ ലോബി; ആകെ നാറി, പുറത്താക്കിയാന്‍ ഇനിയും നാറുമെന്ന് പിണറായി; ഒരെ സമയം പാര്‍ട്ടിക്ക് രണ്ട് ബാധ്യതകള്‍ ബിനീഷ് കോടിയേരിയും കെ.ടി ജലീലും; ഒന്ന് മുഖ്യമന്ത്രിക്ക് മറ്റൊന്ന് പാര്‍ട്ടി സെക്രട്ടറിക്ക്
ജലീലിനെ ചൊല്ലി സി.പി.എമ്മില്‍ പോരു തുടങ്ങി. കടുത്ത പിണറായി ഭക്തന്മാരുടെ വരെ വായ തുറന്നുവെന്നാണ് പുറത്ത് വരുന്ന വിവരം. ജലീലിനെ മന്ത്രിക്കസേരയില്‍ നിന്നു പുറത്താക്കണമെന്ന് സിപിഎമ്മില്‍ ഒരു വിഭാഗം. പക്ഷേ പിണറായി വിജയന്‍ ഉള്‍പ്പെടുന്ന കണ്ണൂര്‍ ലോബി ഇപ്പോഴും കെ.ടി ജലീലിനെ സംരക്ഷിക്കുന്ന നിലപാടാണ്. അതെ സമയം ആകെ നാറി എന്ന നിലപാടാണ് സി.പി.എമ്മിന് പൊതുവേയുള്ളത്. പക്ഷേ ഇപ്പോള്‍ പുറത്താക്കിയാന്‍ കൂടുതല്‍ നാറുമെന്നതാണ് കണ്ണൂര്‍ ലോബി ചൂണ്ടിക്കാട്ടുന്നകാരണം. ജലീല്‍ രാജി വയ്ക്കും വരെ ബിജെപിയും കോണ്‍ഗ്രസും കേരളം ഇളക്കിമറിക്കുകയാണ്. എല്ലാത്തരത്തിലും ഇനിയുള്ള ഒരാഴ്ച സിപിഎം വിവിധ വിഷയങ്ങളില്‍ പ്രതിരോധത്തിലും പ്രതിസ്ഥാനത്തും നില്‍ക്കേണ്ടിവരുമെന്ന കാര്യത്തില്‍ സംശയമില്ല. സ്വര്‍ണക്കള്ളക്കടത്ത് സ്വപ്‌ന തരികിട ഇടപാടുകളില്‍ ഒരേ സമയം കോടിയേരിയുടെ മകനൊപ്പം ജലീലിനു കുരുക്കുമുറുകള്‍ ജലീല്‍ ബാധ്യതയാകുന്നു. ഒരു പക്ഷെ കോടിയേരിയുടെ രാജിക്കു മുന്‍പേ ജലീല്‍ പുറക്കായേക്കാം.
മലബാറില്‍ മുസ്ലീം വോട്ടുകളില്‍ കുറെയെങ്കിലും ചോര്‍ത്തിയെടുക്കാന്‍ പറ്റിയ ഒരു നേതാവും ഇപ്പോള്‍ സിപിഎമ്മിനില്ല. നിലവിലുള്ള സിപിഎം മുസ്ലീം നേതാക്കള്‍ക്ക് മലപ്പുറത്തും കോഴിക്കോട്ടും മുസ്ലീം ലീഗിനോടു ഏറ്റുമുട്ടാന്‍ ത്രാണിയുള്ളവരോ പിന്തുണയുള്ളവരോ അല്ല. ഇതെല്ലാം മുന്നില്‍ കണ്ടാണ് കെ.ടി ജലീലിനെ മുന്‍ നിര്‍ത്തി മുസ്ലിം അഭിമുഖ്യമുള്ള പാര്‍ട്ടി രൂപികരിക്കാനുള്ള സി.പി.എമ്മിന്റെ തയ്യാറെടുപ്പു നടത്തിയത്. 10 വര്‍ഷമുമ്പെ ഇത്തമൊരു നീക്കത്തിന് സി.പി.എം ചുമപ്പ് കൊടി കാട്ടിയിരുന്നതാണ്. ഇന്ത്യന്‍ നാഷണല്‍ ലീഗ്, പി.ടി.എ റഹീമിന്റെ റഹീം ലീഗ്, സി.പി.എം സ്വതന്ത്രന്മാരായ നിയമസഭാംഗങ്ങള്‍ എന്നിവരെ ചേര്‍ത്ത് മുസ്ലിം ലീഗിന് ബദലായി രാഷ്ട്രീയ കക്ഷി രൂപവത്കരിക്കാനും ഇടതുമുന്നണിയുടെ ഭാഗമാകാനുമായിരുന്നു അന്നത്തെ ശ്രമം. ഇതാണ് ഇപ്പോള്‍ പൊടി തട്ടിയെടുക്കുന്നത്. ഇതിന് പിന്നിലെ രാഷ്ട്രീയ ലക്ഷ്യങ്ങള്‍ തന്നെയാണ് പിണറായി സര്‍ക്കാരിനെ ഇപ്പോഴും കെ.ടി ജലീലിനെ സംരക്ഷിക്കാന്‍ നിര്‍ബന്ധിക്കുന്നത്. അതോ സമയം ലീഗിനു ബദലാകാന്‍ സിപിഎം കൊടിയും കുപ്പായവും ചിഹ്നവും പദവിയും കൊടുത്ത ജലീല്‍ സിപിഎം ഇമേജ് ഓരോ ദിവസവും തകര്‍ക്കുകയാണ്. നയതന്ത്രബാഗേജിലെ ഇറക്കുമതി സാധനങ്ങള്‍ മാത്രമല്ല ജലീല്‍ ഇപ്പോഴും പുലര്‍ത്തുന്ന ബന്ധങ്ങളും സ്വര്‍ണഇടപാടുകളില്‍ ചില തീവ്രവാദി സംഘടനകള്‍ക്കുള്ളതായി പറയുന്ന സൂചനകളുമൊക്കെ എന്‍ഫോഴ്‌സ്‌മെന്റ് അന്വേഷിച്ചുവരികയാണ്. എല്ലാ തെളിവുകളും ജലീലിന് എതിരാകും മുന്‍പ് രാജിയുണ്ടാകുന്നില്ലെങ്കില്‍ ഹിന്ദു ക്രിസ്റ്റിയന്‍ വോട്ടുകള്‍ അപ്പാടെ നഷ്ടമാകുമെന്ന് സിപിഎം വിലയിരുത്തുന്നു. അതേ സമയം കുഞ്ഞാലിക്കുട്ടിയുടെ വരവോടെ മുസ്ലീം വോട്ടുബാങ്കുകള്‍ ലീഗിനു കീഴില്‍ ഒരുമിക്കുകയും ചെയ്യുന്നു.
മലബാറില്‍ മുസ്ലീം ലീഗിനെ ചെറുക്കാന്‍ സിപിഎം ലീഗില്‍ നിന്ന് എത്തിച്ച ജലീലിന്റെ വര്‍ത്തമാന കാലം കൃത്യങ്ങള്‍ മാത്രമല്ല പൂര്‍വകാലവും ഒരേ പോലെ കുരുക്കാവുകയാണ്. സിമിയില്‍ നിന്നും മുസ്ലിം യൂത്ത് ലീഗിലേക്കും അവിടെ നിന്ന് സിപിഎമ്മിലേക്കും സഞ്ചരിച്ചാണ് ജലീല്‍ മന്ത്രിയായത്. എന്നും വിവാദവഴികളിലൂടെയാണ് സഞ്ചരിച്ചത്. പഞ്ചായത്ത്, നിമയസഭാ തെരഞ്ഞെടുപ്പ് മുന്നില്‍ കണ്ട് പികെ കുഞ്ഞാലിക്കുട്ടിയില്‍ കേന്ദ്രത്തില്‍ നിന്നും കേരളത്തിലേക്ക് പാണക്കാട് തങ്ങളും ലീഗും ഇറക്കിയിത് ഇതേ ജലീലിനെയും സിപിഎമ്മിനെയും നേരിടാണ്. ഉമ്മന്‍ ചാണ്ടിയെ ഒപ്പം കൂട്ടി പികെ കുഞ്ഞാലിക്കുട്ടി കളത്തിലിറങ്ങിയതോടെ സിപിഎം പ്രതിരോധത്തിലാവുകയാണ്. ഖുറാന്‍ വിവാദം മാത്രമല്ല ജലീലിന്റെ ആദ്യകാലം സിമി ബന്ധം ബിജെപിയും ജന്‍മഭൂമി മുഖപത്രവും പുറത്തിറക്കിക്കഴിഞ്ഞു. തിരൂരില്‍ ഒരു പതിറ്റാണ്ട് സിമി പ്രവര്‍ത്തനവും കോളജ് ഇലക്ഷന്‍ മത്സരങ്ങളും നടത്തിയിട്ടുള്ള ജലീല്‍ പിന്നീടാണ് മുസ്ലീം ലീഗിലെത്തിയത്. പില്‍ക്കാലത്ത് ലീഗ് വിട്ട ഇതേജലീലിനെ 2011ലും 16ലും തവനൂര്‍ മണ്ഡലത്തില്‍ സിപിഎം ജയിപ്പിച്ചെടുത്തു. വിദ്യാഭ്യാസ മന്ത്രിയായിരിക്കെ നടത്തിയ എംജി സര്‍വകലാശാലാ മാര്‍ക്ക് വിവാദവും കരിപ്പൂര്‍ ഹജ്ജ് കമ്മിറ്റിയിലെ ബന്ധുനിയമനവുമൊക്കെ ജലിലിന്റെ മാത്രമല്ല പാര്‍ട്ടിയുടെയും ഇമേജ് തകര്‍ത്തു. ഇതേ ജലീലിനെ ഇനി കളത്തിലിറക്കുക അസാധ്യം എന്ന തിരിച്ചറിവിലാണ് സിപിഎം.
https://www.facebook.com/Malayalivartha
