കനത്ത വെല്ലുവിളികള്‍ക്കിടയില്‍ ഇന്ന് ലോകപരിസ്ഥിതി ദിനം. നഷ്ടപ്പെട്ടു കൊണ്ടിരിക്കുന്ന ഭൂമിയുടെ പച്ചപ്പ് തിരിച്ചു പിടിക്കാന്‍, ജീവജാലങ്ങളെ ഹൃദയത്തോട് ചേര്‍ത്തു പിടിക്കാന്‍ ആഹ്വാനം ചെയ്തു കൊണ്ടാണ് മറ്റൊരു പരിസ്ഥിതി ദിനം കൂടി കടന്നു പോകുന്നത്. ഒരുകാലത്ത് ഭൂമിയുടെ സമ്പത്തായിരുന്ന തോടുകളും, പാടങ്ങളും, പുഴകളും, അതിലെ ചെറുജീവികളും, വൃക്ഷങ്ങളും വിസ്മൃതിയുടെ ഉള്ളറകളിലേക്ക് ഉള്‍വലിഞ്ഞു കൊണ്ടിരിക്കുന്ന കാലത്താണ് മറ്റൊരു പരിസ്ഥിതി ദിനം കൂടി കടന്നു പോകുന്നത്. നമ്മുടെ നാടിന് പച്ചപ്പും സമൃദ്ധിയും നല്‍കിയിരുന്ന നാട്ടുപാടങ്ങള്‍ ഇന്ന് എവിടെയോ പോയ് മറഞ്ഞിരിക്കുന്നു.
നാട്ടുകിണറുകളിലും, തോടുകളിലും കണ്ടിരുന്ന പച്ചത്തവളകളെയും, പരല്‍മീല്‍കളെയും ഇന്ന് കാണാനേയില്ല. അവയെല്ലാം എവിടെ പോയി. എന്താണ് നമ്മുടെ നാടിന് സംഭവിച്ചത്. ഈ ചോദ്യങ്ങള്‍ക്ക് നടുവിലാണ് ഈ വര്‍ഷത്തെ ലോക പരിസ്ഥിതി ദിനം കടന്നു പോകുന്നത്.?ലോക പരിസ്ഥിതിദിനത്തോട്് അനുബദ്ധിച്ച് വനം വന്യജീവി വകുപ്പും പരിസ്ഥിതി വകുപ്പും സംയുക്തമായി സംഘടിപ്പിക്കുന്ന ലോക പരിസ്ഥിതി ദിനാചരണത്തിന്റെ സംസ്ഥാനതല ഉദ്ഘാടനം ഇന്ന് കോട്ടയത്ത് നടക്കും. സുസ്ഥിര ജീവിത ശൈലികള്‍ എന്നതാണ് ഈ വര്‍ഷത്തെ പരിസ്ഥിതിദിനത്തിന്‍രെ പ്രമേയം. ഓരോ പൗരനും സമഗ്രമായ മാറ്റം ഉള്‍ക്കൊണ്ട് പ്രകൃതി പരിപാലകനായി മാറണം എന്നതാണ് പ്രമേയത്തിന്റെ കാതല്‍.
ദിനാചരണത്തിന്റെ ഭാഗമായി വനം വകുപ്പ് സംസ്ഥാനത്ത് 1000 നക്ഷത്ര വനങ്ങളും 700 ഔഷധവനങ്ങളും സ്വകാര്യ പങ്കാളിത്തത്തോടെ 1400 കുട്ടിവനങ്ങളും വച്ചുപിടിപ്പിക്കും. നദീതീര സംരക്ഷണത്തിനായി ആദ്യഘട്ടത്തില്‍ 28 കിലോമീറ്റര്‍ ദൂരത്തില്‍ മുളന്തൈകള്‍ വച്ചുപിടിപ്പിക്കും. ജൈവവൈവിധ്യ കലവറയായ കാവുകളും കണ്ടല്‍ക്കാടുകളും സംരക്ഷിക്കുന്നതിന് പ്രത്യേകം പദ്ധതി നടപ്പാക്കും.
വാഹനങ്ങള്‍ അനുദിനം വര്‍ധിച്ചുവരുന്ന സാഹചര്യത്തില്‍ അന്തരീക്ഷത്തില്‍ കാര്‍ബണിന്റെ അളവ് കുറയ്ക്കുന്നതിന് പെട്രോളിയം കമ്പനികളുമായി സഹകരിച്ച് കാര്‍ബണ്‍ ഓഫ്‌സെറ്റ് പദ്ധതി നടപ്പാക്കും. പരിസ്ഥിതി സംരക്ഷണത്തെക്കുറിച്ച് കുട്ടികളില്‍ അവബോധം സൃഷ്ടിക്കുന്നതിന് സ്‌കൂള്‍ വിദ്യാര്‍ഥികള്‍ക്ക് ഗ്രീന്‍ കാര്‍ഡ് നല്‍കും. പരിസ്ഥിതി സംരക്ഷണത്തിനായി ചെയ്യുന്ന ഓരോ പ്രവൃത്തിയും രേഖപ്പെടുത്തിവയ്ക്കാന്‍ ഈ കാര്‍ഡ് ഉപയോഗിക്കാം.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha