ആദ്യമായി ചോര കണ്ടപ്പോള് ഹൈറേഞ്ചിലായിരുന്നു, അതുകൊണ്ട് അട്ട കടിച്ചതാണെന്ന് കരുതി! പക്ഷെ സംഭവിച്ചത് മറ്റൊന്നായിരുന്നു... അന്ന് മമ്മൂക്ക ചോദിച്ചതായിരുന്നു എന്തു പറ്റി, നിന്റെ മസിലൊക്കെ ഉടഞ്ഞല്ലോടാ?' 'ഹേയ് ഇല്ലല്ലോ മമ്മൂക്കാ, ഇതല്ലേ മസില്' എന്ന് പറഞ്ഞ് ഞാന് മസിലു പെരുപ്പിക്കുമ്പോഴും എന്റെയുള്ളിലെ കാന്സര് രണ്ടാം സ്റ്റേജ് കഴിഞ്ഞിരുന്നു.'.. തുറന്ന് പറഞ്ഞ് സുധീര്
മലയാളത്തിലെ അത്യാവശ്യം നല്ല കഥാപാത്രങ്ങളുമായി മിനി സ്ക്രീനിൽ തിളങ്ങിയ താരമാണ് നടന് സുധീര്. എന്നാലിപ്പോഴിതാ മെലിഞ്ഞ് തുടങ്ങിയ ശരീരത്തെ കുറിച്ചും സിനിമയിലേക്ക് വീണ്ടും തിരിച്ചെത്തിയപ്പോൾ മമ്മൂട്ടി തന്റെ ശരീരത്തെക്കുറിച്ച് പറഞ്ഞതും തുറന്ന് പറയുകയാണ് സുധീര്
സുധീറിന്റെ വാക്കുകള് ഇങ്ങനെയായിരുന്നു...
'ഡ്രാക്കുള' എന്ന സിനിമയ്ക്ക് വേണ്ടിയാണ് ബോഡി ബില്ഡിങ് തുടങ്ങിയത്. സിനിമ കഴിഞ്ഞിട്ടും മസിലുകളുടെ ഹരം മാറിയില്ല.
വര്ക് ഔട്ട് ആയിരുന്നു ലഹരി. ഒരു വര്ഷം മുന്പാണ് കാന്സര് ബാധിക്കുന്നത്. ആദ്യമായി ചോര കണ്ടപ്പോള് ഹൈറേഞ്ചിലായിരുന്നു,
അതുകൊണ്ട് അട്ട കടിച്ചതാണെന്ന് കരുതി. എന്നാല്, ഇത് പിന്നീട് ആവര്ത്തിച്ചപ്പോഴാണ് ഡോക്ടറെ കണ്ടത്. കൊളനോസ്കോപ്പിയും എന്ഡോസ്കോപ്പിയും ചെയ്യാന് പറഞ്ഞു.
ഒപ്പം കുറച്ച് മരുന്നുകളും. പിന്നെ, ആ വഴിക്ക് പോയതേയില്ല. ടെസ്റ്റുകളോടുമുള്ള പേടിയായിരുന്നു പ്രധാന കാരണം.
മമ്മൂക്ക നായകനായ 'മാമാങ്കം' സിനിമയുടെ തിരക്കിലേക്ക് കയറിയതോടെ അസുഖമെല്ലാം മറന്നു. എന്റെ ശരീരം ഞാന് പോലുമറിയാതെ മെലിഞ്ഞു തുടങ്ങിയിരുന്നു.
മമ്മൂക്ക ഒരു ദിവസം ചോദിച്ചു. 'എന്തു പറ്റി, നിന്റെ മസിലൊക്കെ ഉടഞ്ഞല്ലോടാ?' 'ഹേയ് ഇല്ലല്ലോ മമ്മൂക്കാ, ഇതല്ലേ മസില്' എന്ന് പറഞ്ഞ് ഞാന് മസിലു പെരുപ്പിക്കുമ്ബോഴും എന്റെയുള്ളിലെ കാന്സര് രണ്ടാം സ്റ്റേജ് കഴിഞ്ഞിരുന്നു.'- സുധീര് പറയുന്നു.
https://www.facebook.com/Malayalivartha