ഇംഗ്ലണ്ടില് നാണംകെട്ട് ഇന്ത്യ; തോല്വി ഇന്നിങ്സിനും 159 റണ്സിനും; പരമ്പരയില് 2-0ന് പിന്നില്
ഇന്ത്യയ്ക്ക് ഇന്നിങ്സ് തോല്വി. രണ്ടാം ഇന്നിങ്സില് ഇന്ത്യയെ 130 റണ്സിന് പുറത്താക്കിയ ഇംഗ്ലണ്ട്, ഇന്നിങ്സിനും 159 റണ്സിനുമാണ് ജയിച്ചത്. 48 പന്തില് അഞ്ചു ബൗണ്ടറികള് ഉള്പ്പെടെ 33 റണ്സെടുത്ത അശ്വിനാണ് രണ്ടാം ഇന്നിങ്സില് ഇന്ത്യന് ടോപ് സ്കോറര്. ഇംഗ്ലണ്ടിനായി ജയിംസ് ആന്ഡേഴ്സനും സ്റ്റുവാര്ട്ട് ബ്രോഡും നാലു വിക്കറ്റ് വീതം വീഴ്ത്തി. മല്സരത്തിലാകെ ആന്ഡേഴ്സന് ഒന്പതു വിക്കറ്റ് സ്വന്തമാക്കി. എ!ജ്ബാസ്റ്റനില് നടന്ന ആദ്യ ടെസ്റ്റില് 31 റണ്സിനു തോറ്റ ഇന്ത്യ, അഞ്ചു മല്സരങ്ങളടങ്ങിയ പരമ്പരയില് 2-0ന് പിന്നിലായി. മൂന്നാം ടെസ്റ്റ് 18ന് ആരംഭിക്കും. സ്കോര്: ഇന്ത്യ 107 & 130. ഇംഗ്ലണ്ട് 396/7 ഡിക്ലയേര്ഡ്
മഴമൂലം ആദ്യദിനം പൂര്ണമായും രണ്ടാം ദിനവും നാലാം ദിനവും മണിക്കൂറുകളും നഷ്ടമായ മല്സരത്തില് ഇംഗ്ലണ്ട് ഇന്നിങ്സ് വിജയം സ്വന്തമാക്കുമ്പോള്, ഒരു ദിവസത്തെ കളി ഇനിയും ബാക്കി. മല്സരത്തിലാകെ നാലു വിക്കറ്റുകളും ഇംഗ്ലണ്ട് ഇന്നിങ്സിലെ ഏക സെഞ്ചുറിയും (പുറത്താകാതെ 137) നേടിയ ക്രിസ് വോക്സിന്റെ ഓള്റൗണ്ട് പ്രകടനം കളിയിലെ കേമന് പുരസ്കാരത്തിന് അദ്ദേഹത്തെ അര്ഹനാക്കി. ടെസ്റ്റില് വോക്സിന്റെ കന്നി സെഞ്ചുറിയാണിത്. ബെന് സ്റ്റോക്സിന് പൊലീസ് കേസുമായി ബന്ധപ്പെട്ട് കളിക്കാനാകാതെ പോയതുകൊണ്ടു മാത്രം ടീമില് ഇടം ലഭിച്ച താരമാണ് വോക്സ്.
https://www.facebook.com/Malayalivartha
