ശ്രീശാന്തിന് തിരിച്ചടി ; വിദേശത്തെങ്കിലും കളിക്കാന് അനുവദിക്കണമെന്ന ഹര്ജി പരിഗണിക്കാന് സുപ്രീംകോടതി വിസമ്മതിച്ചു
ക്രിക്കറ്റ് താരം ശ്രീശാന്തിന് വിദേശത്തെങ്കിലും കളിക്കാന് അനുവദിക്കണമെന്ന ഹര്ജി പരിഗണിക്കാന് സുപ്രീംകോടതി വിസമ്മതിച്ചു. ബി.സി.സി.ഐയുടെ അപ്പീല് ഹര്ജി ഡല്ഹി ഹൈക്കോടതിയുടെ പരിഗണനയിലുള്ളതിനാല് ഇടപെടാനാകില്ലെന്നു കോടതി വ്യക്തമാക്കി.
ഐ.പി.എല് ഒത്തുകളി വിവാദത്തില് ശ്രീശാന്തിനെ കുറ്റവിമുക്തനാക്കിയ പട്യാല ഹൗസ് കോടതി വിധിക്കെതിരെ ബി.സി.സി.ഐയുടെ അപ്പീല് ഡല്ഹി ഹൈക്കോടതിയുടെ പരിഗണനയിലായതിനാല് ഇടപെടാനാകില്ലെന്ന് കോടതി വ്യക്തമാക്കി. ചീഫ് ജസ്റ്റിസ് ദീപക് മിശ്ര, ജസ്റ്റിസുമാരായ എ.എം ഖാന്വില്ക്കര്, ഡി.വൈ. ചന്ദ്രചൂഡ് എന്നിവരടങ്ങിയ ബെഞ്ചാണ് ഇതുസംബന്ധിച്ച തീരുമാനം എടുത്തത്.
രാജ്യത്ത് കളിക്കാന് അനുവദിച്ചില്ലെങ്കില് വിദേശത്തെങ്കിലും കളിക്കാന് ശ്രീശാന്തിന് അനുമതി നല്കണമെന്ന് മുതിര്ന്ന അഭിഭാഷകന് സല്മാന് ഖുര്ഷിദ് വാദിച്ചു. കേരള ഹൈക്കോടതി ശ്രീശാന്തിന്റെ ആജീവനാന്ത വിലക്ക് നീക്കിയെങ്കിലും കളിക്കാനുള്ള അനുമതി ബി.സി.സി.ഐ നല്കിയില്ല. സിംഗിള് ബെഞ്ച് വിധിക്കെതിരെയുള്ള ബി.സി.സി.ഐയുടെ അപ്പീലും കേരള ഹൈക്കോടതിയുടെ പരിഗണനയിലാണ്.
നേരത്തെ സ്കോട്ലന്ഡ് ലീഗില് കളിക്കാന് ശ്രീ കരാറില് ഒപ്പിട്ടിരുന്നു. എന്നാല് എന്ഒസി നല്കാന് ബിസിസിഐ വിസമ്മതിച്ചു. ഇതോടെ സ്കോട്ടിഷ് മോഹം പൊലിയുകയും ചെയ്തു.
https://www.facebook.com/Malayalivartha