ഇന്ത്യക്ക് എതിരായ നാലാം ക്രിക്കറ്റ് ടെസ്റ്റില് ഇംഗ്ലണ്ടിന് ബാറ്റിങ് തകര്ച്ച; ബുംറയ്ക്കും ഷാമിക്കും രണ്ട് വിക്കറ്റ്; ഇംഗ്ലണ്ട് 6ന് 125
ഇന്ത്യക്ക് എതിരായ നാലാം ക്രിക്കറ്റ് ടെസ്റ്റില് ഇംഗ്ലണ്ടിന് ബാറ്റിങ് തകര്ച്ച. ഒന്നാം ദിവസം കളി പുരോഗമിക്കുമ്ബോള് ഇംഗ്ലണ്ട് 6 വിക്കറ്റ് നഷ്ടത്തില് 89 റണ്സ് എന്ന നിലയിലാണ്. ജസ്്പ്രീത് ബുംറയും ഇഷാന്ത് ശര്മ്മയും ഹാര്ദിക് പാണ്ഡ്യയും മുഹമ്മദ് ഷമി ഇംഗ്ലണ്ട് ബാറ്റിങ്ങിന്റെ നട്ടെല്ലൊടിക്കുകയായിരുന്നു.
ഓപ്പണര് കീറ്റണ് ജെന്നിങ്സിനെ ബുംറ പുറത്താക്കിയതിനു പിന്നാലെ നാലു റണ്സെടുത്ത നായകന് ജോ റൂട്ടിനെ ഇഷാന്ത് ശര്മ മടക്കി.റണ്ണൊന്നുമെടുക്കാതെയായിരുന്നു ജെന്നിങ്സിന്റെ മടക്കം. നാല് റണ്സായിരുന്നു റൂട്ടിന്റെ സമ്ബാദ്യം. പിന്നീട് ബുംറയുടെ ഊഴമായിരുന്നു. ആറു റണ്സെടുത്ത ബെയര്സ്റ്റോവിനെ ബുംറ റിഷഭ് പന്തിന്റെ കൈകളിലെത്തിച്ചു. പ്രതിരോധിച്ചു കളിച്ച കുക്കിന്റെ ആധിപത്യം ഹാര്ദിക് പാണ്ഡ്യയും അവസാനിപ്പിച്ചു. 17 റണ്സായിരുന്നു കുക്കിന്റെ സംഭാവന. ഉച്ചഭക്ഷണത്തിന് പിന്നാലെ ബട്ലറെ ഷമിയും മടക്കി. ഇതിന് പിന്നാലെ ബെന് സ്റ്റോക്സിനെ ഷമി വിക്കറ്റിന് മുന്നില് കുടുക്കി
നേരത്തെ പരമ്ബരയിലെ തുടര്ച്ചയായ നാലാം മത്സരത്തിലും ടോസ് ജയിച്ച ഇംഗ്ലണ്ട് നായകന് ജോ റൂട്ട്, ബാറ്റിങ് തിരഞ്ഞെടുക്കുകയായിരുന്നു. ഇംഗ്ലണ്ട് ടീമില് രണ്ടു മാറ്റങ്ങളുണ്ട്. ക്രിസ് വോക്സിനു പകരം മോയിന് അലിയും ഒലീ പോപ്പിനു പകരം സാം ക്യൂറനും ടീമിലിടം നേടി. ആദ്യ രണ്ടു ടെസ്റ്റുകളും ജയിച്ച ഇംഗ്ലണ്ട് അഞ്ചു മത്സരങ്ങള് അടങ്ങിയ പരമ്ബരയില് 2-1 നു മുന്നിലാണ്.
https://www.facebook.com/Malayalivartha