ഡല്ഹി ക്യാപിറ്റല്സിനെതിരായ മത്സരത്തില് റണ്ണനുവദിക്കാതി രുന്ന അമ്പയറുടെ തീരുമാനത്തിനെതിരേ അപ്പീലുമായി പഞ്ചാബ്
ഐ.പി.എല്ലില് ഡല്ഹി ക്യാപിറ്റല്സിനെതിരായ മത്സരത്തില് ഷോര്ട്ട് റണ്ണെന്നാരോപിച്ച് അമ്പയര് നിതിന് മേനോന് റണ് നിഷേധിച്ചതിനെതിരേ കിങ്സ് ഇലവന് പഞ്ചാബ് ടീം മാച്ച് റഫറിക്ക് അപ്പീല് നല്കി. ഒരു റണ് കൂടി ലഭിച്ചിരുന്നെങ്കില് ജയിക്കേണ്ടിയിരുന്ന മത്സരമാണ് അമ്പയറുടെ തെറ്റായ തീരുമാനം മൂലം കിങ്സ് ഇലവന് തോറ്റത്. ലഭിക്കേണ്ടിയിരുന്ന റണ് ലഭിക്കാതിരുന്നതോടെ മത്സരം ടൈ ആയി.
ഐ.പി.എല്. പോലുള്ള ലോകോത്തര ടൂര്ണമെന്റില് ഇത്തരം തെറ്റുകള് സംഭവിക്കാന് പാടില്ലാത്തതാണെന്നു കിങ്സ് ഇലവന് പഞ്ചാബ് സി.ഇ.ഒ. സതീഷ് മേനോന് പറഞ്ഞു. പഞ്ചാബ് ഇന്നിംഗ്സിലെ 19-ാം ഓവറിലെ മൂന്നാം പന്തിലാണു സംഭവം. ഇത്തരം തെറ്റുകള് ടീമിന്റെ പ്ലേ ഓഫ് സാധ്യതകളെ ബാധിച്ചേക്കുമെന്നും സതീഷ് മേനോന് പറഞ്ഞു.
ബാറ്റ് ചെയ്ത് മായങ്ക് അഗര്വാളും ക്രിസ് ജോര്ദാനും മികച്ച രീതിയില് ബാറ്റ് ചെയ്തുകൊണ്ട് ക്രീസിലുണ്ടായിരുന്നു. പന്ത് അടിച്ചകറ്റി ഇരുവരും ചേര്ന്ന് ഡബിള് പൂര്ത്തിയാക്കിയെങ്കിലും ആദ്യത്തെ റണ്ണിനായി ഓടിയ ജോര്ദാന് ബാറ്റ് ക്രീസില് കുത്തിയില്ലെന്നു കാട്ടി അമ്പയര് റണ് ഷോര്ട്ട് വിധിക്കുകയായിരുന്നു.എന്നാല് റീപ്ലേകളില് ബാറ്റ് ക്രീസില് കുത്തിയതു വ്യക്തമായിരുന്നു. എന്നാല് പിന്നീട് മത്സരം സൂപ്പര് ഓവറിലേക്കു പോകുകയും മത്സരം കിങ്സ് ഇലവന് പഞ്ചാബ് കൈവിടുകയും ചെയ്തു.
ടെക്നോളജി കൊണ്ടുവന്നിട്ടും ഇത്തരം തെറ്റുകള് ആവര്ത്തിക്കുകയാണെങ്കില് എന്താണു ഗുണം എന്ന് കിങ്സ് ഇലവന് സഹ ഉടമ പ്രീതി സിന്റയും ചോദിച്ചു.
https://www.facebook.com/Malayalivartha