ഐപിഎല് 14-ാം സീസണിലെ ആദ്യ മത്സരത്തില് റോയല് ചലഞ്ചേഴ്സ് ബംഗളൂരുവിന് വിജയതുടക്കം...
ഐപിഎല് 14-ാം സീസണിലെ ആദ്യ മത്സരത്തില് റോയല് ചലഞ്ചേഴ്സ് ബംഗളൂരുവിന് വിജയതുടക്കം. അവസാന പന്ത് വരെ ആവേശം നിറഞ്ഞ മത്സരത്തില് മുന് ചാന്പ്യന്മാരായ മുംബൈ ഇന്ത്യന്സിനെ രണ്ട് വിക്കറ്റിന് വീഴ്ത്തിയാണ് ബംഗളൂരു വിജയം ആഘോഷിച്ചത്.
മുംബൈ ഉയര്ത്തിയ 160 റണ്സ് വിജയലക്ഷ്യം എട്ട് വിക്കറ്റ് നഷ്ടത്തിലാണ് ബംഗളൂരു മറികടന്നത്. ഓപ്പണറായി ഇറങ്ങിയ നായകന് വിരാട് കോഹ്ലി (29 പന്തില് 33), മാക്സ് വെല് (39), എബിഡി വില്ല്യേഴ്സ് (48) എന്നിവരുടെ പ്രകടനമാണ് ബംഗളൂരുവിനെ വിജയതീരത്ത് എത്തിച്ചത്.
മുംബൈയ്ക്കായി ജസ്പ്രീത് ബുംമ്രയും മാര്ക്കോ ജെന്സെനും രണ്ട് വിക്കറ്റ് വീതം വീഴ്ത്തി. ടോസ് നഷ്ടപ്പെട്ട് ക്രീസിലെത്തിയ മുംബൈയുടെ തുടക്കം പതുക്കെയായിരുന്നു. 15 പന്തില് 19 റണ്സ് ആയിരുന്നു നായകന് രോഹിത്തിന്റെ സംഭാവന.
സൂര്യകുമാര് യാദവ് 23 പന്തില് ഒരു സിക്സും നാല് ഫോറും അടക്കം 31 റണ്സ് നേടി. ക്രിസ് ലിന് 35 പന്തില് മൂന്ന് സിക്സും നാല് ഫോറും അടക്കം 49 റണ്സ് നേടി.
ഇഷാന് കിഷന് (19 പന്തില് 28), ഹാര്ദിക് പാണ്ഡ്യ (10 പന്തില് 13) എന്നിവര് ആക്രമിച്ചെങ്കിലും ഏറെ നേരം ക്രീസില് തുടരാതിരുന്നത് മുംബൈക്ക് തിരിച്ചടിയായി. ഒന്പത് വിക്കറ്റ് നഷ്ടത്തിലാണ് മുംബൈ 159 റണ്സ് നേടിയത്. അഞ്ച് വിക്കറ്റ് നേടിയ ഹര്ഷല് പട്ടേലാണ് മുംബൈയെ തകര്ത്തത്.
"
https://www.facebook.com/Malayalivartha