ഐ പി എല്ലിൽ സിക്സറുകൾ കൊണ്ട് അമ്മാനമാടുന്ന വ്യക്തിയാണ് ഗെയിൽ. 41ാം വയസിലും തന്റെ ബാറ്റിങ് വൈഭവത്തിന് ഒരു കുറവും വന്നിട്ടില്ലെന്ന് വീണ്ടും ഉറപ്പാക്കുന്ന രീതിയായിരുന്നു 14ാം സീസണിലെ ​ഗെയിലിന്റെ ആദ്യ മത്സരവും.

പഞ്ചാബിനായി മായങ്ക് അ​ഗര്‍വാള്‍ പുറത്തായതിന് പിന്നാലെ ക്രീസില്‍ എത്തിയ ​ഗെയ്ലിന് അര്‍ദ്ധസെഞ്ചുറി നഷ്ടമായെങ്കിലും സമീപകാലത്തൊന്നും ആരും തിരുത്താത്ത റെക്കോഡുകളാണ് ഓരോ മത്സരവും അദ്ദേഹത്തിന് സമ്മാനിച്ചിരുന്നത്.

രാജസ്ഥാനെതിരെ രണ്ട് സിക്സറുകള്‍ നേടിയതോടെ ഐപിഎല്ലില്‍ 350 സിക്സറുകള്‍ തികയ്ക്കുന്ന ഒരെയൊരു ബാറ്റ്സ്മാനായി ​ഗെയിൽ മാറിയെന്നത് മറ്റൊരുകാര്യമാണ്.

മത്സരത്തിന് ഇറങ്ങുമ്ബോള്‍ 349 സിക്സുകളായിരുന്നുഗെയിലിന്റെ അക്കൗണ്ടിൽ ഉണ്ടായിരുന്നത്. ബെന്‍ സ്റ്റോക്സിനെതിരെ എട്ടാമത്തെ ഓവറിലും രാഹുല്‍ തെവാത്തിയക്കെതിരെ ഒന്‍പതാമത്തെ ഓവറിലുമായിരുന്നു ​രണ്ട് സിക്സുകള്‍ നേടി.

ഇതോടെ വെറും 133 ഐപിഎല്‍ ഇന്നിങ്സുകളില്‍ നിന്ന് 351 സിക്സറുകളാണ് താരം നേടിയിരിക്കുന്നത്. ഇതിന് പുറമെ ഐപിഎല്ലില്‍ മറ്റൊരു റെക്കോഡും ​ഗെയ്ല്‍ കുറിച്ചു. 50, 100 എന്നിങ്ങനെ 350 വരെ സിക്സറുകള്‍ ആദ്യം നേടിയ ബാറ്റ്സ്മാന്‍ കൂടിയായി മാറി ഇരിക്കുന്നു.

28 പന്തില്‍ നാല് ഫോറും രണ്ട് സിക്സും സഹിതം 40 റണ്‍സാണ് ഈ സീസണില്‍ ​രാജസ്ഥാനെതിരെയുളള പഞ്ചാബിന്റെ ആദ്യ മത്സരത്തില്‍ ​ഗെയ്ല്‍ നേടിയത്. റിയാന്‍ പരാ​ഗിന്റെ ബോളില്‍ ബെന്‍ സ്റ്റോക്സിന്റെ മികച്ച ക്യാച്ചിലാണ് ​ഗെയ്ല്‍ പുറത്തായത്. മത്സരത്തില്‍ പഞ്ചാബ് ആകെ 13 സിക്സുകളാണ് നേടിയത്.

ഐപിഎല്ലിലെ സിക്സ് വേട്ടയില്‍ ​ഗെയ്ലിന് പിന്നില്‍ റോയല്‍ ചലഞ്ചേഴ്സ് ബാം​ഗ്ലൂരിന്റെ എ ബി ഡിവില്ലിയേഴ്സാണ് രണ്ടാമത്. 237 സിക്സുകളാണ് ഡിവില്ലിയേഴ്സിനുളളത്.

മൂന്നാമത് ചെന്നൈ ക്യാപ്റ്റനായ എം എസ് ധോണി (216 സിക്സ്), നാലാമത് മുംബൈ ഇന്ത്യന്‍സ് ക്യാപ്റ്റന്‍ രോഹിത് ശര്‍മ്മ (214 സിക്സ്), അഞ്ചാമത് റോയല്‍ ചലഞ്ചേഴ്സ് ക്യാപ്റ്റന്‍ വിരാട് കോഹ്ലി (201) എന്നിവരാണുളളത്. സമീപകാലത്തെങ്ങും ആര്‍ക്കും കീഴടക്കാന്‍ കഴിയില്ല എന്നതാണ്ജയിന്റെ സിക്സറുകളിൽ ഒളിഞ്ഞിരിക്കുന്ന പ്രത്യേകത.