ന്യൂസീലന്ഡിനെതിരായ ഒന്നാം ടെസ്റ്റിന്റെ രണ്ടാം ദിനം ബാറ്റിങ് ആരംഭിച്ച ഇന്ത്യയ്ക്ക് വേണ്ടി സെഞ്ചുറി നേടി ശ്രേയസ് അയ്യര്
ന്യൂസീലന്ഡിനെതിരായ ഒന്നാം ടെസ്റ്റിന്റെ രണ്ടാം ദിനം ബാറ്റിങ് ആരംഭിച്ച ഇന്ത്യയ്ക്ക് വേണ്ടി സെഞ്ചുറി നേടി ശ്രേയസ് അയ്യര്. ശ്രേയസ്സിന്റെ ബലത്തില് ഇന്ത്യന് സ്കോര് 300 കടന്നു.നാല് വിക്കറ്റിന് 258 റണ്സ് എന്ന നിലയില് രണ്ടാം ദിനം ബാറ്റിങ് ആരംഭിച്ച ഇന്ത്യയ്ക്ക് തുടക്കത്തില് തന്നെ വിക്കറ്റ് നഷ്ടപ്പെട്ടു.
അര്ധസെഞ്ചുറി നേടിയ രവീന്ദ്ര ജഡേജയാണ് പുറത്തായത്. രണ്ടാം ദിനം ഒരു റണ്സ് പോലും നേടാനാവാതെ പോയ ജഡേജയെ ടിം സൗത്തി ക്ലീന് ബൗള്ഡാക്കി. 112 പന്തുകളില് നിന്ന് 50 റണ്സെടുത്ത ശേഷമാണ് ജഡേജ ക്രീസ് വിട്ടത്.
ജഡേജയ്ക്ക് പിന്നാലെ വൃദ്ധിമാന് സാഹ ക്രീസിലെത്തി. സാഹയെ സാക്ഷിയാക്കി ശ്രേയസ് അയ്യര് അനായാസം ബാറ്റ് ചലിപ്പിച്ചു. വൈകാതെ താരം അരങ്ങേറ്റ മത്സരത്തില് തന്നെ സെഞ്ചുറി നേടി.
ഇന്ത്യയ്ക്ക് വേണ്ടി ടെസ്റ്റില് അരങ്ങേറ്റ മത്സരത്തില് തന്നെ സെഞ്ചുറി നേടുന്ന 16-ാം ഇന്ത്യന് താരം എന്ന റെക്കോഡ് ശ്രേയസ് അയ്യര് സ്വന്തമാക്കി. പുതുതായി ക്രീസിലെത്തിയ സാഹയ്ക്ക് പിടിച്ചുനില്ക്കാനായില്ല. ഒരു റണ് മാത്രമെടുത്ത സാഹയെ ടിം സൗത്തി വിക്കറ്റ് കീപ്പര് ടോം ബ്ലണ്ടലിന്റെ കൈയ്യിലെത്തിച്ചു.
"
https://www.facebook.com/Malayalivartha