ആസ്ട്രേലിയക്കെതിരായ വനിത ഏകദിന പരമ്പരയില് ഇന്ത്യക്ക് തോല്വി...
ആസ്ട്രേലിയക്കെതിരായ വനിത ഏകദിന പരമ്പരയില് ഇന്ത്യക്ക് തോല്വിയോടെ തുടക്കം. ആറു വിക്കറ്റിനായിരുന്നു തോല്വി. ആദ്യം ബാറ്റ് ചെയ്ത ആതിഥേയര് 50 ഓവറില് എട്ടു വിക്കറ്റിന് 282 റണ്സ് നേടി.
ആസ്ട്രേലിയ 46.3 ഓവറില് നാലിന് 285ലെത്തി. ഫോബ് ലിച്ച് ഫീല്ഡ് (78), എല്ലിസ് പെറി (75), തഹ്!ലിയ മക്ഗ്രാത്ത് (68 നോട്ടൗട്ട്), ബെത്ത് മൂണി (42) എന്നിവരുടെ ബാറ്റിങ്ങാണ് സന്ദര്ശകര്ക്ക് അനായാസ ജയം സമ്മാനിച്ചത്. 82 റണ്സെടുത്ത ജെമീമ റോഡ്രിഗസാണ് ഇന്ത്യയുടെ ടോപ് സ്കോറര്. പൂജ വസ്ത്രകാര് 62 റണ്സുമായി പുറത്താവാതെ നിന്നു. ടോസ് നേടിയ ഇന്ത്യ ബാറ്റിങ് തിരഞ്ഞെടുത്തു. അസുഖം കാരണം വൈസ് ക്യാപ്റ്റനും ഓപണറുമായ സ്മൃതി മന്ദാനക്ക് കളിക്കാന് കഴിഞ്ഞില്ല.
ഷഫാലി വര്മക്കൊപ്പം യാസ്തിക ഭാട്യയാണ് ഇന്നിങ്സ് ഓപണ് ചെയ്തത്. ഒരു റണ് മാത്രമെടുത്ത് ഷഫാലി മടങ്ങി. 20 പന്തില് 21 റണ്സായിരുന്നു റിച്ച ഘോഷിന്റെ സംഭാവന. ക്യാപ്റ്റന് ഹര്മന്പ്രീത് കൗറും (9) പുറത്തായതോടെ ഇന്ത്യ മൂന്നിന് 57. യാസ്തികയും ജെമീമയും ചേര്ന്നാണ് രക്ഷാപ്രവര്ത്തനം നടത്തിയത്.യാസ്തിക (49) പുറത്തായശേഷം ദീപ്തി ശര്മയും (21) അമന്ജോത് കൗറും (20) ജെമീമക്ക് പിന്തുണ നല്കാന് ശ്രമിച്ചു. ഒരു റണ്ണായിരുന്നു സ്നേഹ് റാണയുടെ സംഭാവന.
ജെമീമയും പൂജയും ചേര്ന്നാണ് 250ലെത്തിച്ചത്. അവസാന ഓവറുകളില് തകര്ത്തടിച്ച പൂജക്കൊപ്പം രേണുക സിങ് അഞ്ചു റണ്സുമായി പുറത്താവാതെ നിന്നു. ഓസീസിനായി ആഷ് ലി ഗാര്ഡ്നറും ജോര്ജിയ വരേഹാമും രണ്ടു വീതവും വിക്കറ്റെടുക്കുകയും ചെയ്തു.
"
https://www.facebook.com/Malayalivartha