ഇന്ത്യ ദക്ഷിണാഫ്രിക്ക രണ്ടാം ക്രിക്കറ്റ് ടെസ്റ്റിന് ഇന്ന് കേപ്ടൗണില് തുടക്കമാവും....
ഇന്ത്യ ദക്ഷിണാഫ്രിക്ക രണ്ടാം ക്രിക്കറ്റ് ടെസ്റ്റിന് ഇന്ന് കേപ്ടൗണില് തുടക്കമാവും. ഇന്ത്യന് സമയം ഉച്ചയ്ക്ക് ഒന്നരയ്ക്കാണ് കളി തുടങ്ങുക. മത്സരം ജയിച്ച് സമനിലയോടെ പരമ്പര അവസാനിക്കാനാണ് ഇന്ത്യന് ടീം ലക്ഷ്യമിടുന്നത്.
കേപ്ടൗണില് ജയിച്ച് പരമ്പര സമനിലയാക്കുകയെന്ന ലക്ഷ്യത്തോടെയാവും രോഹിത് ശര്മ്മയും സംഘവും ഇന്നിറങ്ങുക. പരിക്കേറ്റ തെംബ ബാവുമായ്ക്ക് പകരം ടീമിനെ നയിക്കുന്ന ദക്ഷിണാഫ്രിക്കന് സീനിയര് താരം ഡീന് എല്ഗാറിന്റെ വിടവാങ്ങല് ടെസ്റ്റില് വിജയത്തില് കുറഞ്ഞതൊന്നും ദക്ഷിണാഫ്രിക്ക ആഗ്രഹിക്കുന്നില്ല. ബാറ്റര്മാരും ബൗളര്മാരും ഒരുപോലെ ഫോം വീണ്ടെടുത്താലേ ഇന്ത്യക്ക് തല ഉയര്ത്താനാന് കഴിയുകയുള്ളൂ.
ആര് അശ്വിന് പകരം പരിക്കില് നിന്ന് മുക്തനായ രവീന്ദ്ര ജഡേജ ടീമിലെത്തുമെന്ന് ഉറപ്പ്. പ്രസിദ്ധ് കൃഷ്ണയ്ക്ക് പകരം മുകേഷ് കുമാറും പരിഗണനയിലുണ്ട്. എന്നാല് അരങ്ങേറ്റത്തിന് തൊട്ടുപിന്നാലെ പ്രസിദ്ധിനെ ഒഴിവാക്കരുത് എന്ന ആവശ്യം ശക്തമാണ്.
ബാവുമയ്ക്ക് പകരം സുബൈര് ഹംസയും കോയെറ്റ്സീക്ക് പകരം കേശവ് മഹാരാജും ദക്ഷിണാഫ്രിക്കന് നിരയിലെത്തിയേക്കും. കേപ്ടൗണില് പേസര്മാരെ തുണയ്ക്കുന്ന വിക്കറ്റായതിനാല് രോഹിത് ശര്മ്മ, ശുഭ്മാന് ഗില്, വിരാട് കോലി, ശ്രേയസ് അയ്യര്, കെ എല് രാഹുല് എന്നിവരുടെ ചെറുത്തുനില്പിനെ ആശ്രയിച്ചായിരിക്കും ടെസ്റ്റിന്റെ ഗതി. ദക്ഷിണാഫ്രിക്കയ്ക്കെതിരെ രണ്ട് ടെസ്റ്റുകളാണ് ഇന്ത്യന് ടീമിനുള്ളത്.
https://www.facebook.com/Malayalivartha
