കേപ്ടൗണില് ഇന്ത്യയുടെ ആദ്യ ടെസ്റ്റ് വിജയം... ഏഴ് വിക്കറ്റിന് ഇന്ത്യ ക്ഷിണാഫ്രിക്കയെ തോല്പ്പിച്ചു
കേപ്ടൗണില് ദക്ഷിണാഫ്രിക്കയ്ക്കെതിരായ ഇന്ത്യയുടെ ടെസ്റ്റ് കളിയില് രണ്ടാം സെഷനില്ത്തന്നെ ജയിച്ച് ഇന്ത്യ. ഏഴ് വിക്കറ്റിനാണ് ഇന്ത്യ ക്ഷിണാഫ്രിക്കയെ തോല്പ്പിച്ചത്. ദക്ഷിണാഫ്രിക്ക ഉയര്ത്തിയ 79 റണ്സ് വിജയലക്ഷ്യം യശസ്വി ജയ്സ്വാളിന്റെയും ശുഭ്മാന് ഗില്ലിന്റെയും വിരാട് കോലിയുടെയും വിക്കറ്റുകള് നഷ്ടപ്പെടുത്തി ഇന്ത്യ 12 ഓവറില് അടിച്ചെടുത്തു. കേപ്ടൗണില് ഇന്ത്യയുടെ ആദ്യ ടെസ്റ്റ് വിജയം കൂടിയാണ് ഇത്. 1992 മുതല് ദക്ഷിണാഫ്രിക്കയില് ഇന്ത്യ ഏഴ് തോല്വിയും ഒരു ടെസ്റ്റ് പരമ്പര സമനിലയും നേടിയിരുന്നു.
രണ്ടാം ദിനം ആദ്യ ഓവറില് തന്നെ ജസ്പ്രീത് ബുമ്ര ബെഡിങ്ഹാമിനെ വീഴ്ത്തിയ ബുമ്രയാണ് ദക്ഷിണാഫ്രിക്കന് തകര്ച്ച തുടങ്ങിവെച്ചത്. 11 റണ്സായിരുന്നു ബെഡിങ്ഹാമിന്റെ സമ്പാദ്യം. പിന്നീടെത്തിയ വെറിയെന്നെ മാര്ക്രത്തിന് പിന്തുണ നകാന് ശ്രമിച്ചെങ്കിലും ബുമ്രയുടെ ഷോട്ട് ബോള് പുള് ചെയ്യാനുള്ള ശ്രമത്തില് മിഡോണില് മുഹമ്മദ് സിറാജിന്റെ കൈകളിലെത്തി. വെറിയെന്നെ മടങ്ങുമ്പോള് ഇന്ത്യന് സ്കോര് മറികടക്കാന് ദക്ഷിണാഫ്രിക്കക്ക് 14 റണ്സ് കൂടി വേണമായിരുന്നു.
അതേസമയം 23 വിക്കറ്റുകള് വീഴ്ത്തുന്നതിന് ആദ്യ ദിനം സാക്ഷ്യം വഹിച്ചു. രണ്ടാം ദിനം ആദ്യ സെഷനില് വെടിക്കെട്ട് സെഞ്ചുറിയുമായി പൊരുതിയ ഏയ്ഡന് മാര്ക്രത്തിന്റെ ബാറ്റിംഗ് കരുത്തിലാണ് ദക്ഷിണാഫ്രിക്ക ഇന്ത്യക്ക് മുന്നില് 79 റണ്സിന്റെ വിജയലക്ഷ്യം മുന്നോട്ടുവെച്ചത്. 62-3 എന്ന നിലയില് രണ്ടാം ദിനം ബാറ്റിംഗിനിറങ്ങിയ ദക്ഷിണാഫ്രിക്ക രണ്ടാം ദിനം ലഞ്ചിന് മുമ്പെ 176 റണ്സിന് ഓള് ഔട്ടാവുകയായിരുന്നു. ഏയ്ഡന് മാര്ക്രം 103 പന്തില്106 റണ്സുമായി വെടിക്കെട്ട് സെഞ്ചുറി കുറിച്ചപ്പോള് ഇന്ത്യക്കായി ജസ്പ്രീത് ബുമ്ര ആറ് വിക്കറ്റെടുത്തു.
https://www.facebook.com/Malayalivartha