ഇന്ത്യ- ഇംഗ്ലണ്ട് ടെസ്റ്റ് പരമ്പരയ്ക്ക് ഇന്ന് തുടക്കമാവും... ഹൈദരാബാദില് രാവിലെ ഒന്പതരയ്ക്കാണ് കളി തുടങ്ങുക... സ്പിന് കരുത്തില് പ്രതീക്ഷയര്പ്പിച്ച് ടീം ഇന്ത്യ
ഇന്ത്യ- ഇംഗ്ലണ്ട് ടെസ്റ്റ് പരമ്പരയ്ക്ക് ഇന്ന് തുടക്കമാവും... ഹൈദരാബാദില് രാവിലെ ഒന്പതരയ്ക്കാണ് കളി തുടങ്ങുക... സ്പിന് കരുത്തില് പ്രതീക്ഷയര്പ്പിച്ച് ടീം ഇന്ത്യ .
ഒന്പത് മണിക്ക് ടോസ് വീഴും. സ്പിന് കരുത്തില് പ്രതീക്ഷയര്പ്പിച്ച് ടീം ഇന്ത്യ ഇറങ്ങുമ്പോള് പന്ത് കുത്തിത്തിരിയുന്ന പിച്ചുകളില് ബാസ്ബോള് ശൈലിയുടെ വിധി നിശ്ചയിക്കാനാണ് ഇംഗ്ലണ്ടിന്റെ വരവ്. വ്യക്തിപരമായ കാരണങ്ങളാല് വിട്ടുനില്ക്കുന്ന സ്റ്റാര് ബാറ്റര് വിരാട് കോലിയും പരിക്കേറ്റ പേസര് മുഹമ്മദ് ഷമിയും ഇല്ലാതെയാണ് ഇന്ത്യയിറങ്ങുക.
കോലിക്ക് പകരം സീനിയര് താരങ്ങളായ അജിങ്ക്യ രഹാനെയെയും ചേതേശ്വര് പൂജാരയെയും തഴഞ്ഞ് രജത് പാടിദാറിനെ ടീമില് ഉള്പ്പെടുത്തി.
സ്പിന്നര്മാരെ തുണയ്ക്കുന്ന ഹൈദരാബാദിലെ വിക്കറ്റില് ആര് അശ്വിന്, രവീന്ദ്ര ജഡേജ, കുല്ദീപ് യാദവ് സ്പിന് ത്രയത്തെ അതിജീവിക്കുകയാവും ബെന് സ്റ്റോക്സ് നയിക്കുന്ന ഇംഗ്ലണ്ടിന്റെ ഏറ്റവും വലിയ വെല്ലുവിളി.
ടെസ്റ്റില് ഇംഗ്ലണ്ടിനെതിരെ വിക്കറ്റ് വേട്ടയില് സെഞ്ചുറി തികയ്ക്കാന് അശ്വിന് 12 വിക്കറ്റ് കൂടി മതി. പത്തൊന്പത് ടെസ്റ്റില് ഇംഗ്ലണ്ടിനെതിരെ 88 വിക്കറ്റാണ് അശ്വിന്റെ സമ്പാദ്യം. കെ എല് രാഹുല് കീപ്പറാവില്ലെന്ന് കോച്ച് രാഹുല് ദ്രാവിഡ് വ്യക്തമാക്കിയതിനാല് വിക്കറ്റിന് പിന്നിലെത്താന് കെ എസ് ഭരതും അരങ്ങേറ്റക്കാരന് ധ്രുവ് ജുറലും തമ്മിലാണ് മത്സരം നടക്കുക. വിരമിച്ച സ്റ്റുവര്ട്ട് ബ്രോഡ്, മോയിന് അലി, അവസാന നിമിഷം പിന്മാറിയ ഹാരി ബ്രൂക് എന്നിവരില്ലാതെയാണ് അഞ്ച് ടെസ്റ്റുകളുടെ പരമ്പരയ്ക്ക് ഇംഗ്ലണ്ട് എത്തിയിരിക്കുന്നത്.
"
https://www.facebook.com/Malayalivartha
