അണ്ടര് 19 ലോകകപ്പ് സൂപ്പര് സിക്സില് ന്യൂസീലന്ഡിനെതിരെ ഇന്ത്യക്ക് വമ്പന് ജയം... കിവീസിനെ ഇന്ത്യ തകര്ത്തത് 214 റണ്സിന്
അണ്ടര് 19 ലോകകപ്പ് സൂപ്പര് സിക്സില് ന്യൂസീലന്ഡിനെതിരെ ഇന്ത്യക്ക് വമ്പന് ജയം. കിവീസിനെ ഇന്ത്യ തകര്ത്തത് 214 റണ്സിന്. ഇന്ത്യ മുന്നോട്ടുവച്ച 296 റണ്സ് വിജയലക്ഷ്യം പിന്തുടര്ന്നിറങ്ങിയ ന്യൂസീലന്ഡ് കേവലം 81 റണ്സിന് ഓള് ഔട്ടായി.
ഇന്ത്യക്കായി സൗമി പാണ്ഡെ നാല് വിക്കറ്റ് വീഴ്ത്തിയപ്പോള് മുഷീര് ഖാനും രാജ് ലംബാനിയും രണ്ട് വിക്കറ്റ് വീതം വീഴ്ത്തി. രണ്ട് വിക്കറ്റിനൊപ്പം ആദ്യ ഇന്നിംഗ്സില് സെഞ്ചുറിയും നേടിയ മുഷീര് ഖാനാണ് കളിയിലെ താരമായത്.
ഇന്നിംഗ്സിലെ ആദ്യ പന്തില് തന്നെ വിക്കറ്റ് നഷ്ടമായ ന്യൂസീലന്ഡ് ഒരിക്കല് പോലും ഇന്ത്യക്ക് വെല്ലുവിളിയായില്ല. 19 റണ്സ് നേടിയ ക്യാപ്റ്റന് ഓസ്കാര് ജാക്ക്സണാണ് ന്യൂസീലന്ഡിന്റെ ടോപ്പ് സ്കോറര്. നാല് താരങ്ങള് മാത്രമേ കിവീസ് നിരയില് ഇരട്ടയക്കം കടന്നുള്ളൂ. മൂന്നുപേര് റണ്ണൊന്നുമെടുക്കാതെ പുറത്താകുകയായിരുന്നു.
ആദ്യം ബാറ്റ് ചെയ്ത ഇന്ത്യ നിശ്ചിത 50 ഓവറില് വിക്കറ്റ് നഷ്ടപ്പെടുത്തി റണ്സാണ് നേടിയത്. തുടരെ രണ്ടാം മത്സരത്തിലും സെഞ്ചുറി നേടിയ മുഷീര് ഖാന് ആണ് ഇന്ത്യക്കായി തിളങ്ങിയത്. ആദര്ശ് സിംഗ് 52 റണ്സ് നേടി പുറത്തായി. ന്യൂസീലന്ഡിനായി മേസന് ക്ലാര്ക്ക് നാല് വിക്കറ്റ് വീഴ്ത്തുകയും ചെയ്തു.
"
https://www.facebook.com/Malayalivartha