ഓസ്‌ട്രേലിയക്കെതിരായ മൂന്നാം ഏകദിനത്തില്‍ ഇന്ത്യക്ക് തോല്‍വി. നാലു വിക്കറ്റിനാണ് ഓസ്‌ട്രേലിയ ഇന്ത്യയെ തോല്‍പ്പിച്ചത്. പരാജയം മുന്നില്‍ കണ്ട ഓസ്‌ട്രേലിയെ ജെയിംസ്‌ ഫോക്‌നര്‍ രക്ഷിച്ചു. അംഗീകൃത ബാറ്റ്‌സ്മാനായി ആദംവോഗ്‌സ് മാത്രം ശേഷിക്കെ നിരാശയില്‍ നിന്നാണ് ഫോക്ക്‌നര്‍ ഓസ്‌ട്രേലിയയെ വിജയത്തിലെത്തിച്ചത്. 48 ഓവര്‍ വരെ മത്സരം ഇന്ത്യയുടെ വരുതിയിലായിരുന്നു.എന്നാല്‍ 48 ആം ഓവറില്‍ 30 റണ്‍സ് അടിച്ചെടുത്ത ഫോക്ക്‌നര്‍ ഇന്ത്യക്ക് ഭീതി നല്‍കി.

ജയിക്കാന്‍ 304 റണ്‍സെടുക്കേണ്ടിയിരുന്ന ഓസീസ് മൂന്നു പന്ത് ബാക്കി നില്‍ക്കെ ലക്ഷ്യത്തിലെത്തി.ഈ ജയത്തോടെ ഏഴു മത്സരങ്ങളുടെ പരമ്പരയില്‍ ഓസ്‌ട്രേലിയ 2-1ന് മുന്നിലെത്തി.

303 റണ്‍സ് പിന്തുടര്‍ന്നിറങ്ങിയ ഓസ്‌ട്രേലിയക്ക് ഓപ്പണര്‍മാരായ ഫില്‍ഹ്യൂസും,ആരോണ്‍ഫിഞ്ചും മികച്ച തുടക്കമാണ് നല്‍കിയത്. എന്നാല്‍ ഓപ്പണക്തമാരെ നഷ്ടപ്പെട്ട ശേഷം ഓസ്‌ട്രേലിയ സമ്മര്‍ദ്ദത്തിലായി.42 ആം ഓവറില്‍ ആറാം വിക്കറ്റായി ബ്രാഡ് ഹാഡിനെ നഷ്ടപ്പെടുമ്പോള്‍ കങ്കാരുക്കള്‍ക്ക് ജയിക്കാന്‍ 91 റണ്‍സ് കൂടി വേണ്ടിയിരുന്നു.അവിടെ നിന്നാണ് ആദം വോഗ്‌സുമായി ഒത്തു ചേര്‍ന്ന് ഫോക്ക്‌നര്‍ ഓസീസിനെ ജയിപ്പിച്ചത്.88 പന്തില്‍ നിന്നും 76 റണ്‍സുമായി വോഗ്‌സ് ടോപ് സ്‌കോററായപ്പോള്‍ ഫോക്ക്‌നര്‍ 29 പന്തില്‍ നിന്നും 64 റണ്‍സെടുത്തു.ആദ്യം ബാറ്റു ചെയ്ത ഇന്ത്യക്ക് ക്യാപ്റ്റന്‍ ധോണി നേടിയ 139 റണ്‍സാണ് മികച്ച സ്‌കോര്‍ നേടിക്കൊടുത്തത്.121 പന്തില്‍ നിന്നും 139 റണ്‍സ് നേടിയ ധോണി 12 ഫോറുകളും.5 സിക്‌സുകളും നേടി.

മൊഹാലിയില്‍ ഇന്ത്യന്‍ താരത്തിന്റെ ആദ്യ സെഞ്ച്വറിയാണ് ഇന്ത്യന്‍ ക്യാപ്റ്റന്‍ കുറിച്ചത്. വിരാട് കൊഹ്‌ലി 68 റണ്‍സെടുത്തു.മൊഹാലിയിലെ ജയത്തോടെ ഏഴു മത്സരങ്ങളുടെ പരമ്പരയില്‍ ഓസീസ് 2-1ന് മുന്നിലെത്തി.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha