അണ്ടര് 19 ലോകകപ്പ്: ഓസ്ട്രേലിയക്ക് ബാറ്റിങ്
നാലാം തവണയും ഇന്ത്യക്ക് കൗമാര ക്രിക്കറ്റിന്റെ ലോക കിരീടമെന്ന ചരിത്രനേട്ടം ലക്ഷ്യം വെച്ച് ന്യൂസിലന്ഡിലെ മൗണ്ട് മൗന്ഗനുയില് രാഹുല് ദ്രാവിഡിന്റെ കുട്ടികള് കളിതുടങ്ങി. ഇന്ത്യക്കെതിരെ ഓസ്ട്രേലിയക്കാണ് ബാറ്റിങ്. ടോസ് നേടിയ ഓസീസ് നായകന് ബാറ്റിങ് തെരഞ്ഞെടുക്കുകയായിരുന്നു.
പൊടിമീശക്കാരന് പൃഥ്വിഷായിലും വെടിക്കെട്ടുകാരന് ശുഭ്മാന് ഗില്ലിലും നൂറുകോടിയിലേറെ വരുന്ന ക്രിക്കറ്റ് ആരാധകരുടെ പ്രതീക്ഷകളൊന്നും സമ്മര്ദങ്ങളാവുന്നില്ല. എല്ലാം 'രാഹുല് ദ്രാവിഡ് സ്കൂള് ഓഫ് ക്രിക്കറ്റില്' പാകപ്പെട്ടുകഴിഞ്ഞു.
കലാശപ്പോരാട്ടത്തില് ക്രിക്കറ്റിന്റെ അമരക്കാരായ ആസ്ട്രേലിയയാണ് എതിരാളി. പാരമ്പര്യത്തില് ഇന്ത്യയെക്കാളും കേമന്മാര്. എന്നാല്, കൗമാര ലോകകപ്പില് മൂന്ന് കിരീടവുമായി ഇരുവരും ഒപ്പത്തിനൊപ്പമാണ്. കൂടുതല് തവണ ചാമ്പ്യന്മാര് എന്ന ആ റെക്കോഡ് ഒരാളിലേക്ക് മാത്രം എഴുതിച്ചേര്ക്കപ്പെടുന്ന സുദിനം കൂടിയാണ് ഇന്ന്. 2000 (മുഹമ്മദ് കൈഫ്), 2008 (വിരാട് കോഹ്ലി), 2012 (ഉന്മുക്ത് ചന്ദ്) എന്നിവരാണ് ഇന്ത്യക്ക് മുന് ലോകകിരീടങ്ങള് സമ്മാനിച്ചത്. ആസ്ട്രേലിയയാവട്ടെ 1988, 2002, 2010 വര്ഷങ്ങളിലായിരുന്നു കിരീടമണിഞ്ഞത്.
നിലവിലെ ഫോമില് ഇന്ത്യ തന്നെയാണ് കിരീടത്തിന് അര്ഹര്. ടൂര്ണമന്റെില് ഒരു തോല്വിപോലും വഴങ്ങാതെയുള്ള യാത്ര. ജയങ്ങളെല്ലാം ആധികാരികവുമായി. സെമിയില് പാകിസ്താനെ 203 റണ്സിന് തോല്പിച്ചത് ടീമിന്റെ മനോധൈര്യവും കൂട്ടി. എന്നാല്, അമിത ആത്മവിശ്വാസമൊന്നും വേണ്ടെന്ന് കോച്ച് ദ്രാവിഡിന്റെ ഉപദേശത്തില് കരുതലോടെയാവും ഫൈനലിലെ പടപ്പുറപ്പാട്. ഗ്രൂപ് റൗണ്ടില് ആസ്ട്രേലിയയെ 100 റണ്സിന് തോല്പിച്ചതും ഇന്ത്യക്ക് മുന്തൂക്കമാവും.
ടീം മികവാണ് രാഹുല് ദ്രാവിഡിന്റെ കുട്ടികളുടെ &ിയുെ;മിടുക്ക്. ബാറ്റിങ്ങിലും ബൗളിങ്ങിലും ഫീല്ഡിങ്ങിലും ഒപ്പത്തിനൊപ്പം. ശുഭ്മാന് ഗില്, പൃഥ്വിഷാ, മഞ്ജത് കള്റാ എന്നിവര് ബാറ്റിങ്ങിലും അഭിഷേക് ശര്മ (13 വിക്കറ്റ്), അന്കുല് റോയ് (18) എന്നിവര്ക്കു പുറമെ കമലേഷ് നാഗര്കോട്ടിയും ശിവം മാവിയും പേസ് ബൗളിങ്ങുമായുണ്ട്.
മറുനിരയില് ക്യാപ്റ്റന് ജാസന് സാംഗയും (275 റണ്സ്), ജാക് എഡ്വേര്ഡ്സുമാണ് (203) ബാറ്റിങ്ങിലെ പ്രതീക്ഷ. 14 വിക്കറ്റ് നേടിയ സ്പിന്നര് ലോയ്ഡ് പോപും വില്സതര്ലന്ഡും (8) ബൗളിങ്ങിലെ പ്രധാനികള്.
ടീം ഇന്ത്യ: പൃഥ്വി ഷാ, ശുഭ്മാന് ഗില്, മഞ്ജത് കള്റ, ഹിമാന്ഷു റാണ, അഭിഷേക് ശര്മ, റിയാന് പരാഗ്, ഹാര്വിക് ദേശായ്, ശിവം മാവി, കമലേഷ് നഗര്കോട്ടി, ഇഷന് പൊറല്, അന്കുല് റോയ്, ശിവ സിങ്, ആര്യന് ജുയല്, അര്ഷദീപ് സിങ്, പങ്കജ് യാദവ്.
ടീം ആസ്ട്രേലിയ: ജാസന് സാംഗ, വില് സതര്ലന്ഡ്, സേവിയര് ബാര്ട്ലറ്റ്, മാക്സ് ബ്ര്യാന്റ്, ജാക് എഡ്വേര്ഡ്സ്, സാക് ഇവാന്സ്, ജാരദ് ഫ്രീമാന്, റ്യാന് ഹാഡ്ലി, ബാക്സ്റ്റര് ഹോള്ട്ട്, നതാന് മക്സ്വീനി, ജൊനാതന് മെര്ലോ, ലോയ്ഡ് പോപ്, പരം ഉപ്പല്, ആസ്റ്റിന് വോ.
https://www.facebook.com/Malayalivartha