അണ്ടര്‍ 19 ഏകദിന ലോകകപ്പ് ക്രിക്കറ്റില്‍ ആസ്‌ട്രേലിയയെ തകര്‍ത്ത് ഇന്ത്യയ്ക്ക് കിരീടം . ഇത് നാലാം തവണയാണ് ഇന്ത്യ ലോകകപ്പില്‍ മുത്തമിടുന്നത്. മന്‍ജോത് കല്‍റ പുറത്താകാതെ നേടിയ സെഞ്ചുറിയുടെ കരുത്തിലാണ് ഇന്ത്യയുടെ കിരീട നേട്ടം. 41 പന്തില്‍ 29 റണ്‍സെടുത്ത ക്യാപ്ടന്‍ പ്രിഥ്വി ഷായും ശുഭ്മാന്‍ ഗില്ലുമാണ് ഇന്ത്യന്‍ നിരയില്‍ നിന്നും പുറത്തായത്.നേരത്തെ ടോസ് നേടിയ ആദ്യം ബാറ്റ് ചെയ്ത ആസ്‌ട്രേലിയ 216 റണ്‍സിന് ആള്‍ഔട്ടായിയിരുന്നു. അര്‍ദ്ധ സെഞ്ചുറി നേടിയ ജോനാഥന്‍ മര്‍ലോയാണ് ആസ്‌ട്രേലിയയുടെ ടോപ് സ്‌കോറര്‍.

രണ്ട് വിക്കറ്റുകള്‍ വീതം നേടിയ ഇഷാന്‍ പൊറേല, ശിവ സിംഗ്, കമലേഷ് നഗര്‍കോട്ടി, അങ്കുല്‍ റോയ് എന്നിവരുടെ ബൗളിംഗാണ് ഓസീസിന്റെ ബാറ്റിംഗ് നിരയെ തകര്‍ത്തത്. ശിവം മാവി ഒരു വിക്കറ്റ് സ്വന്തമാക്കി. അവസാന 11 പന്തുകള്‍ക്കിടെ ഓസീസിന്റെ നാല് വിക്കറ്റുകളാണ് വീണത്.

ഇതിഹാസ താരം രാഹുല്‍ ദ്രാവിഡിന്റെ ശിക്ഷണത്തിന്‍ കീഴില്‍ പ്രിഥ്വി ഷാ നയിക്കുന്ന ഇന്ത്യന്‍ ടീം ടൂര്‍ണമെന്റില്‍ ഒരു മത്സരം പോലും തോല്‍ക്കാതെയാണ് കലാശക്കളിക്ക് കളത്തിലിറങ്ങിയത്. 

മറുവശത്ത് ഗ്രൂപ്പ് ഘട്ടത്തില്‍ ഇന്ത്യയോട് നൂറ് റണ്‍സിന്റെ തോല്‍വി വഴങ്ങിയതിന് ഫൈനലില്‍ പകരം വീട്ടാമെന്ന പ്രതീക്ഷയിലാണ് ആസ്‌ട്രേലിയന്‍ ടീം. ഇരുടീമുകളും മൂന്ന് പ്രാവശ്യം വീതം അണ്ടര്‍ 19 ലോകകപ്പ് നേടിയിട്ടുണ്ട്. അതിനാല്‍ തന്നെ കലാശപ്പോരാട്ടമെന്ന് വിശേഷിപ്പിക്കാവുന്ന മത്സരമാണ് െ്രെകസ്റ്റ് ചര്‍ച്ചില്‍ നടക്കുന്നത്.