പ്രീമിയർ ലീഗിൽ നിർണായക മത്സരത്തിൽ വെസ്റ്റ് ഹാമിനെ തോൽപിച്ച് ആർസനൽ. ലിയാൻഡ്രോ ട്രോസാർഡാണ്‌ രണ്ടാം പകുതിയിൽ ഗണ്ണേഴ്സിന്റെ വിജയഗോൾ കരസ്ഥമാക്കിയത്.

മത്സരത്തിന്റെ അവസാന നിമിഷങ്ങളിൽ വെസ്റ്റ് ഹാം നേടിയ സമനില ഗോൾ വാർ പരിശോധിച്ച ശേഷം നിഷേധിച്ചു. കിരീടം നേടാൻ ഗണ്ണേഴ്സിന് ഇനി രണ്ട് ജയം കൂടി മതി. മത്സരത്തിന്റെ അവസാന പാർത്ത് മിനിറ്റ് വരെ കാത്തിരിക്കേണ്ടി വന്നു ആദ്യ ഗോൾ പിറക്കാനായി. അതുവരെ മത്സരത്തിൽ പൂർണ ആധിപത്യം ഗുണേഴ്സിനായിരുന്നെങ്കിലും ഗോൾ കണ്ടെത്താനായി കഴിഞ്ഞില്ല.

എന്നാൽ 83 മിനിറ്റിൽ വെസ്റ്റ് ഹാം ബോക്സിലേക്ക് ഡ്രിബിൾ ചെയ്‌തുകയറിയ ഒഡേഗാർഡ് ബോക്സിന്റെ ഉള്ളിൽ നിൽക്കുന്ന ട്രോസാർഡിന് പന്ത് മറിച്ച് നൽകി. ഫസ്റ്റ് ടൈം ഷോട്ടിലൂടെ ബെൽജിയൻ താരം പന്ത് വലയിലെത്തിക്കുകയും ചെയ്തു. മത്സരത്തിന്റെ അധിക സമയത്ത് വെസ്റ്റ് ഹാമിനായി കല്ലും വിൽസൺ പന്ത് വലിയിലെത്തിച്ചെങ്കിലും വാർ പരിശോധിച്ച ശേഷം ഗോൾ നിഷേധിക്കുകയായിരുന്നു. ഗണ്ണേഴ്‌സ്‌ കീപ്പർ റയയുടെ മേൽ വെസ്റ്റ് ഹാം താരം പാബ്ലോ ഫൗൾ ചെയ്തതായാണ് തെളിഞ്ഞത്.ജയത്തോടെ ലീഗിൽ നാല് പോയിന്റ് ലീഡുമായി ഒന്നാം സ്ഥാനത്താണ് ആർസനൽ.