കോട്ടയം നഗരപരിധിയില് 2 രാജ്യാന്തര സ്റ്റേഡിയങ്ങള് വരും
നഗര പ്രദേശങ്ങളെ വിവിധ മേഖലകളായി തിരിച്ച് സമഗ്ര പരിഷ്കാരങ്ങളോടെയുള്ള മാസ്റ്റര് പ്ലാനിന് അംഗീകാരം ലഭിച്ചെന്നു കോട്ടയം നഗരസഭാധ്യക്ഷ ഡോ. പി.ആര്. സോന പറഞ്ഞു. സമഗ്ര വികസനത്തിനു കുതിപ്പാകുന്ന പ്ലാനിന് 5 വര്ഷത്തെ ചര്ച്ചകള്ക്കു ശേഷമാണ് സര്ക്കാര് പച്ചക്കൊടി കാട്ടിയത്.
ഇതിനായുള്ള ചര്ച്ചകള് 2015-ല് തുടങ്ങി. 2016 ല് കരട് പ്രസിദ്ധീകരിച്ചു. പൊതുജനങ്ങളില് നിന്നു പരാതികള് സ്വീകരിച്ചു. ഇതു പ്രത്യേക സമിതി പരിശോധിച്ച് റിപ്പോര്ട്ട് സമര്പ്പിച്ചു. ജോയിന്റ് ടൗണ് പ്ലാനിങ് കമ്മിറ്റിയും പരാതികള് ചര്ച്ച ചെയ്തു. സംസ്ഥാന ചീഫ് ടൗണ് പ്ലാനിങ് ഓഫിസര് സര്ക്കാരിന് അന്തിമ ശുപാര്ശ നല്കി. നഗര - ഗ്രാമാസൂത്രണ വകുപ്പിന്റെ സാങ്കേതികാനുമതിയും ലഭിച്ചു. അന്തിമരേഖ ഒരാഴ്ചയ്ക്കുള്ളില് ഗസറ്റിലും നഗരസഭ, പഞ്ചായത്ത് വെബ് സൈറ്റുകളിലും പ്രസിദ്ധീകരിക്കും.
41 വര്ഷത്തിനു ശേഷമാണ് മാസ്റ്റര് പ്ലാന് പുതുക്കുന്നത്. നഗരസഭ, വിജയപുരം, പനച്ചിക്കാട് പഞ്ചായത്തുകള് എന്നിവയെക്കൂടി ഉള്പ്പെടുത്തിയാണു പ്ലാന്.കോട്ടയം നഗരപരിധിയില് 2 രാജ്യാന്തര സ്റ്റേഡിയങ്ങള് വരും. റോഡുകള്ക്കു വീതി കൂട്ടും.വീതി കൂട്ടുന്ന റോഡുകളുടെ അരികില് അത്യാധുനിക ഷോപ്പിങ് മാളുകള് പണിയും. പ്രധാന കവലകള് പരിഷ്ക്കരിക്കും. കോടിമതയില് മൊബിലിറ്റി ഹബിന് എറ്റെടുത്ത സ്ഥലത്ത് പുതിയ പദ്ധതി വരും.
റോഡുകള് വീതികൂട്ടാനുള്ള നിര്ദേശങ്ങളെപ്പറ്റിയായിരുന്നു കൂടുതല് പരാതികള്. 307 പരാതികള് ലഭിച്ചു. പനച്ചിക്കാട് പഞ്ചായത്തില് 6 മീറ്റര് വീതിയിലുള്ള പത്തു പഞ്ചായത്തു റോഡുകള് 12 മീറ്റര് വീതിയാക്കാന് ശുപാര്ശ ഉണ്ടായിരുന്നു. അവ പരിഹരിച്ചു. പെരുമ്പായിക്കാട് വില്ലേജില് 16 റോഡുകള് വീതി കൂട്ടും.
https://www.facebook.com/Malayalivartha