കലാശ പോരാട്ടത്തിനൊടുവില് യുഎസ് ഓപ്പണ് കിരീടം നാലാം സീഡ് ആയ ജപ്പാന് താരം നവോമി ഒസാക്കക്ക്
കലാശ പോരാട്ടത്തിനൊടുവില് യുഎസ് ഓപ്പണ് കിരീടം നാലാം സീഡ് ആയ ജപ്പാന് താരം നവോമി ഒസാക്കക്ക്. ഫൈനലില് ആദ്യ സെറ്റ് കൈവിട്ട ശേഷമാണ് വിക്ടോറിയ അസരങ്കക്ക് എതിരെ 22കാരിയായ ഒസാക്ക ജയം കണ്ടത്. കരിയറിലെ മൂന്നാം ഗ്രാന്റ് സ്ലാം കിരീടവും രണ്ടാം യുഎസ് ഓപ്പണ് കിരീടവും ആണ് ഒസാക്കക്ക് ഇത്.കളിച്ച മൂന്ന് ഗ്രാന്റ് സ്ലാം ഫൈനലിലും ജയം കാണാന് താരത്തിന് ആയി. അതേസമയം യുഎസ് ഓപ്പണ് ഫൈനലില് മൂന്നാം തവണയാണ് അസരങ്ക പരാജയത്തിന്റെ കയ്പുനീര് കുടിക്കുന്നത്.
നേരത്തെ, സിന്സിനാറ്റി ഫൈനലില് പരിക്കേറ്റു പുറത്ത് പോയി അസരങ്കക്ക് മുന്പില് കിരീടം കൈവിടേണ്ടി വന്ന ഒസാക്കക്ക് ഈ കിരീടനേട്ടം മധുര പ്രതികാരം കൂടി ആയി. ആദ്യ സെറ്റില് ഒസാക്കയുടെ ആദ്യ സര്വീസ് തന്നെ ബ്രൈക്ക് ചെയ്താണ് അസരങ്ക തുടങ്ങിയത്. ആ സെറ്റ് 6-1 നു അസരങ്ക 26 മിനിറ്റിനുള്ളില് സ്വന്തമാക്കി.
രണ്ടാം സെറ്റിലും തുടക്കത്തില് അസരങ്കയ്ക്കായിരുന്നു മുന്നേറ്റം. എന്നാല് പതുക്കെ മത്സരത്തില് താളം കണ്ടത്തിയ ഒസാക്ക പിന്നീട് അസരങ്കയ്ക്ക് ഒരു അവസരവും നല്കിയില്ല.രണ്ടാം സെറ്റ് 6-3ന് സ്വന്തമാക്കി ഒസാക്ക അസരങ്കയ്ക്ക് ഒപ്പമെത്തി. മൂന്നാം സെറ്റും രണ്ടാം സെറ്റിന്റെ തനിയാവര്ത്തനമായിരുന്നു. പക്ഷേ, വ്യത്യാസം ഒന്നുമാത്രം, അസരങ്കയ്ക്ക് നിലംതൊടാനുള്ള അവസരം പോലും ഒസാക്കി നല്കിയില്ല. ഒടുവില് ഒരുമണിക്കൂര് 53 മിനിറ്റ് നീണ്ട മത്സരത്തിലെ മൂന്നാം സെറ്റും സ്വന്തമാക്കി ഒസാക്ക കിരീടമുയര്ത്തി.
"
https://www.facebook.com/Malayalivartha