കോമണ്വെല്ത്ത് ഗെയിംസിലെ വനിതകളുടെ 71 കിലോഗ്രാം ഭാരോദ്വഹനത്തില് മെഡല് സ്വന്തമാക്കി ഹര്ജീന്ദര് കൗര്
കോമണ്വെല്ത്ത് ഗെയിംസിലെ വനിതകളുടെ 71 കിലോഗ്രാം ഭാരോദ്വഹനത്തില് മെഡല് സ്വന്തമാക്കി ഹര്ജീന്ദര് കൗര്. മാതാപിതാക്കളുടെ പ്രാര്ത്ഥന ഫലിച്ചു. കഠിനാദ്ധ്വാനമില്ലാതെ ഒരു മെഡലും ലഭിക്കില്ല, എന്നാല് തന്റെ മത്സരത്തില് ദൈവീക ഇടപെടല് ഉണ്ടായിരുന്നുവെന്ന് അവര് പറഞ്ഞു.
തനിക്ക് വേണ്ടി പ്രാര്ത്ഥിച്ച എല്ലാവരുടെയും പ്രാര്ത്ഥനകള് സഫലമായെന്നും മാതാപിതാക്കളുടെ പ്രാര്ത്ഥനകള്ക്ക് ദൈവം ഉത്തരം നല്കിയ സമയമായിരുന്നു അതെന്നും വ്യക്തമാക്കി.നൈജീരിയന് താരം ജോയ് ഈസും ഇംഗ്ലണ്ടിന്റെ സാറ ഡെവിസുമായിട്ടായിരുന്നു പോരാട്ടം.
ക്ലീന് ആന്റ് ജെര്ക്കില് മൂന്ന് ശ്രമങ്ങളിലായി 113, 116, 119 കിലോ ഉയര്ത്തി. എന്നാല് കാനഡയുടെ അലക്സിസ് ആഷ്വര്ത്ത് 123 കിലോഗ്രാം ഉയര്ത്തി ക്ലീന് ആന്റ് അവസാന ശ്രമത്തില് 212 കിലോഗ്രാമും ഉയര്ത്തിയതോടെ മെഡല് പ്രതീക്ഷകള്ക്ക് മങ്ങലേറ്റു. എന്നാല് കൗറിന്റെ ആകെ സ്കോര് 214 ആയി ഉയര്ന്നതോടെ മെഡല് ഉറപ്പിക്കുകയായിരുന്നു.
മെഡല് നേട്ടത്തില് സന്തോഷവതിയണെങ്കിലും കൂടുതല് നേട്ടമുണ്ടാക്കാന് സാധിക്കുമായിരുന്നുവെന്നും കൗര് കൂട്ടിച്ചേര്ത്തു. പദ്ധതിയിട്ടിരുന്ന രീതിയില് ഭാരം ഉയര്ത്താന് കഴിഞ്ഞില്ലെന്നും വ്യക്തമാക്കി. നാലാം ദിനം ഇന്ത്യയുടെ ഒമ്പതാം മെഡലാണ് കൗര് നേടിയത്. വനിതകളുടെ ഭാരോദ്വഹനത്തില് മീരാഭായ് ചാനു, പുരുഷന്മാരുടെ 67 കിലോ ഭാരോദ്വഹനത്തില് ജെറമി ലാല്റിന്നുങ്ക, 73 കിലോ ഭാരോദ്വഹനത്തില് അചിന്ത ഷീലി എന്നിവരാണ് ഇന്ത്യയ്ക്കായി സ്വര്ണ്ണം നേട്ടം സ്വന്തമാക്കിയത്.
വനിതകളുടെ 55 കിലോ ഭാരോദ്വഹനത്തില് ബിന്ദ്യറാണി ദേവി, പുരുഷന്മാരുടെ 55 കിലോ ഭാരോദ്വഹനത്തില് സങ്കേത് സര്ഗര്,വനിതകളുടെ 48 കിലോ ജൂഡോയില് ശുശീല ലിക്മാബാം എന്നിവര് വെള്ളിയും പുരുഷന്മാരുടെ 60 കിലോഗ്രാം ജൂഡോയില് വിജയകുമാര് യാദവ്,വനിതകളുടെ 71 കിലോ ഭാരോദ്വഹനത്തില് ഹര്ജീന്ദേര് കൗര്, പുരുഷന്മാരുടെ 61 കിലോ ഭാരോദ്വഹനത്തില് ഗുരുരാജ പൂജാരിയും പൂജാരി എന്നിവര് വെങ്കല മെഡലും കരസ്ഥമാക്കി.
"
https://www.facebook.com/Malayalivartha