ഏഷ്യാ കപ്പ് ട്വന്റി-20 ക്രിക്കറ്റ് ഫൈനലില് ഇന്ന് പാകിസ്ഥാന് ശ്രീലങ്കയെ നേരിടും...
ഏഷ്യാ കപ്പ് ട്വന്റി-20 ക്രിക്കറ്റ് ഫൈനലില് ഇന്ന് പാകിസ്ഥാന് ശ്രീലങ്കയെ നേരിടും. ദുബായ് രാജ്യാന്തര സ്റ്റേഡിയത്തില് രാത്രി ഏഴരയ്ക്കാണ് മത്സരം.
സൂപ്പര് ഫോറില് മൂന്നു കളിയും ജയിച്ച് ഒന്നാമതായാണ് ദാസുണ് ഷനകയുടെ ലങ്ക എത്തുന്നത്. ബാബര് അസമിനുകീഴില് രണ്ടില് ജയിച്ചു പാകിസ്ഥാന്. ഇരുടീമും നേര്ക്കുനേര് വന്നപ്പോള് ശ്രീലങ്ക അഞ്ച് വിക്കറ്റിന് ജയിച്ചു.
ടൂര്ണമെന്റില് ഇരുടീമിനും മോശം തുടക്കമായിരുന്നു. ലങ്ക അഫ്ഗാനിസ്ഥാനോട് തകര്ന്നു. പാകിസ്ഥാനാകട്ടെ ഇന്ത്യയോട് തോറ്റു. പക്ഷേ, പിന്നീട് കുതിച്ചു. ലങ്കയായിരുന്നു കരുത്തര്. ബാറ്റിലും പന്തിലും ഫീല്ഡിങ്ങിലും അവര് കൂട്ടായ് പ്രയത്നിച്ചപ്പോള് ജയം വന്നു. സമ്മര്ദഘട്ടങ്ങളില് യുവനിര നന്നായി കളിച്ചു.
ഷനകയും പതും നിസങ്കയും ഭാനുക രജപക്സെയുമാണ് ബാറ്റിങ്ങില് പ്രധാനികള്. വണിന്ദു ഹസരങ്കയും മഹീഷ് തീക്ഷണയും നയിക്കുന്ന സ്പിന്നിര ബൗളിങ്ങില് മുതല്ക്കൂട്ടാണ്.
പാകിസ്ഥാനാകട്ടെ ഇത്തവണ ബൗളര്മാരുടെ മികവിലാണ് കുതിച്ചത്. നസീം ഷായും മുഹമ്മദ് ഹസ്നെയുമാണ് മുഖ്യപേസര്മാര്. ഇരുവരുടെയും മിന്നുംപന്തുകള് ബാറ്റര്മാരെ വിറപ്പിക്കും.
ഷദാബ് ഖാനും മുഹമ്മദ് നവാസും ചേര്ന്ന സ്പിന് ആക്രമണവും കരുത്തുറ്റതാണ്. ബാബറിനെ കൂടാതെ മുഹമ്മദ് റിസ്വാനാണ് ബാറ്റിങ് നിരയിലെ പ്രതീക്ഷ. രണ്ടാമത് ബാറ്റ് ചെയ്യുന്നവര്ക്കാണ് ദുബായില് മുന്ത്തൂക്കം.
"
https://www.facebook.com/Malayalivartha