കേരളം കാത്തിരുന്ന ട്വന്റി20 മത്സരത്തിലേക്ക് പ്രിയതാരങ്ങളെ ആവേശത്തോടെ സ്വീകരിച്ച് മലയാളി ആരാധകര്...
കേരളം കാത്തിരുന്ന ട്വന്റി20 മത്സരത്തിലേക്ക് പ്രിയതാരങ്ങളെ ആവേശത്തോടെ സ്വീകരിച്ച് മലയാളി ആരാധകര്... ട്വന്റി20 ലോകകപ്പിനു മുന്നോടിയായുള്ള അവസാന സന്നാഹ പരമ്പരയ്ക്കു തുടക്കം കുറിക്കാനായി ഇന്നലെ വൈകിട്ട് 4.30ന് ആണ് ഇന്ത്യന് ടീം തിരുവനന്തപുരത്ത് എത്തിയത്.
ഓസ്ട്രേലിയയ്ക്കെതിരായ പരമ്പര വിജയത്തിന്റെ തിളക്കവുമായി ഹൈദരാബാദില്നിന്ന് ചാര്ട്ടേഡ് വിമാനത്തില് എത്തിയ ടീമിനെ നൂറു കണക്കിന് ആരാധകര് ആര്പ്പു വിളിച്ചാണ് വരവേറ്റത്. നാളെ വൈകിട്ടാണ് കാര്യവട്ടത്തെ സ്പോര്ട്സ് ഹബ് സ്റ്റേഡിയത്തില് ഇന്ത്യ-ദക്ഷിണാഫ്രിക്ക പരമ്പരയിലെ ആദ്യ ട്വന്റി20 മത്സരം നടക്കുക.
ടീം വിമാനം എത്തുന്നതിനും ഏറെ മുന്പേ ആരാധകര് ആഭ്യന്തര ടെര്മിനലിനു പുറത്ത് തടിച്ചുകൂടിയിരുന്നു. പൊലീസ് ബാരിക്കേഡ് നിരത്തിയാണ് ടെര്മിനലില്നിന്നു ടീം ബസിലേക്കു കളിക്കാര്ക്കു വഴിയൊരുക്കിയത്.
ആദ്യം ദീപക് ചാഹര് ആണ് പുറത്തേക്കു വന്നത്. പിന്നാലെ ഇന്ത്യന് ക്രിക്കറ്റിലെ പുതുതരംഗമായ സൂര്യകുമാര് യാദവ്. അതിനു പിന്നാലെയാണ് കോലിയുടെ വരവ്. വട്ടക്കണ്ണട ധരിച്ചെത്തിയ കോലി മാസ്ക് ധരിച്ചിരുന്നതിനാല് പലര്ക്കും മനസ്സിലായില്ല. ഏറ്റവും ഒടുവിലായാണ് ക്യാപ്റ്റന് രോഹിത് ശര്മയും ഋഷഭ് പന്തുമെത്തിയത്.
കെസിഎ ഭാരവാഹികളും വിമാനത്താവള അധികൃതരും ചേര്ന്നു ടീമിനെ സ്വീകരിച്ചു. രോഹിതും ജസ്പ്രീത് ബുമ്രയും യുസ്വേന്ദ്ര ചെഹലും സൂര്യകുമാര് യാദവുമെല്ലാം ആരാധകരെ കൈവീശി അഭിവാദ്യം ചെയ്തു. ആകാംക്ഷ നിറഞ്ഞ കാത്തിരിപ്പിനൊടുവില് കളിക്കാരെ ടെര്മിനലിനുള്ളില് കണ്ടതോടെ തന്നെ ആരാധകര് ഇളകിമറിഞ്ഞു.
https://www.facebook.com/Malayalivartha