ട്വന്റി 20 ലോകകപ്പ് സൂപ്പര് 12 പോരാട്ടത്തില് നെതര്ലന്ഡ്സിനെതിരേ ടോസ് നേടിയ ഇന്ത്യന് നായകന് രോഹിത് ശര്മ ബാറ്റിങ് തിരഞ്ഞെടുത്തു
ട്വന്റി 20 ലോകകപ്പ് സൂപ്പര് 12 പോരാട്ടത്തില് നെതര്ലന്ഡ്സിനെതിരേ ടോസ് നേടിയ ഇന്ത്യന് നായകന് രോഹിത് ശര്മ ബാറ്റിങ് തിരഞ്ഞെടുത്തു. കഴിഞ്ഞ മത്സരത്തില് പാകിസ്താനെതിരേ അണിനിരത്തിയ അതേ ടീമിനെയാണ് ഇന്ത്യ ഈ മത്സരത്തിലും ഇറക്കുന്നത്.
നെതര്ലന്ഡ്സ് ടീമിലും മാറ്റമില്ല. ക്രിക്കറ്റിലെ കുഞ്ഞന്മാരായ നെതര്ലന്ഡ്സിനെതിരേ മികച്ച ജയത്തില് കുറഞ്ഞതൊന്നും ഇന്ത്യന് ടീം ലക്ഷ്യമിടുന്നില്ല. ദക്ഷിണാഫ്രിക്കയ്ക്കെതിരായ മത്സരത്തിനുമുമ്പ് മുന്നിര ബാറ്റര്മാര്ക്ക് ഫോമിലേക്കുയരാനുള്ള അവസരമായിട്ടാണ് മത്സരത്തെ പരിശീലകന് രാഹുല് ദ്രാവിഡും കാണുന്നത്.
നായകന് രോഹിത് ശര്മ, ഓപ്പണര് കെ.എല്. രാഹുല്, സൂര്യകുമാര് യാദവ് എന്നിവര് പാകിസ്താനെതിരേ ബാറ്റിങ്ങില് ശോഭിച്ചിരുന്നില്ല. രോഹിത് ശര്മ കഴിഞ്ഞ അഞ്ച് മത്സരങ്ങളിലായി 64 റണ്സാണ് നേടിയത്. പാക് ടീമിനെതിരേ വിരാട് കോലിയുടെ തകര്പ്പന് പ്രകടനം ഇന്ത്യന് ടീമിന്റെ ആത്മവിശ്വാസം വാനോളമുയര്ത്തിയിട്ടുണ്ട്.
പേസര്മാര് മികച്ചരീതിയില് പന്തെറിഞ്ഞതും ടീമിന് പ്രതീക്ഷ നല്കുന്നു .പേസര്മാരായ ഭുവനേശ്വര് കുമാര്, അര്ഷ്ദീപ് സിങ്, മുഹമ്മദ് ഷമി എന്നിവര് മികച്ച പ്രകടനമാണ് ആദ്യ കളിയില് പുറത്തെടുത്തത്. പാകിസ്താനെതിരേ അടി വാങ്ങിയ സ്പിന്നര് അക്സര് പട്ടേലിന് ശക്തമായി തിരിച്ചുവരാനുളള അവസരംകൂടിയാണ് മത്സരം.
https://www.facebook.com/Malayalivartha