ആ കാഴ്ച എല്ലാവരേയും കരയിച്ചു...... ആ കണ്ണുകള് നിറഞ്ഞൊഴുകി..... പൊട്ടിക്കരഞ്ഞുകൊണ്ട് ഫുട്ബോള് ഇതിഹാസം ക്രിസ്റ്റിയാനോ റൊണാള്ഡോ തന്റെ കരിയറിലെ അവസാന ലോകകപ്പ് മത്സരമവസാനിപ്പിച്ച് നടന്നകലുന്നതു കണ്ട് ആരാധകര് ഒന്നടങ്കം വിങ്ങിപ്പൊട്ടി.....
ആ കാഴ്ച എല്ലാവരേയും കരയിച്ചു...... പൊട്ടിക്കരഞ്ഞുകൊണ്ട് ഫുട്ബോള് ഇതിഹാസം ക്രിസ്റ്റിയാനോ റൊണാള്ഡോ തന്റെ കരിയറിലെ അവസാന ലോകകപ്പ് മത്സരമവസാനിപ്പിച്ച് നടന്നകലുന്നതു കണ്ട് ആരാധകര് ഒന്നടങ്കം വിങ്ങിപ്പൊട്ടി.....
മൊറോക്കോയ്ക്കെതിരായ മത്സരത്തില് പകരക്കാരനായാണ് പോര്ച്ചുഗീസ് നായകന് റൊണാള്ഡോ രണ്ടാം പകുതിയില് കളിക്കാനിറങ്ങിയത്. ഗ്രൗണ്ടിലെത്തിയപ്പോള് തൊട്ട് ഗോളടിക്കാനായി കിണഞ്ഞുശ്രമിച്ച റൊണാള്ഡോയ്ക്ക് പക്ഷേ ലക്ഷ്യം കാണാനായില്ല. പലതവണ മൊറോക്കോ ഗോള്പോസ്റ്റില് അപകടം സൃഷ്ടിക്കാന് താരത്തിന് സാധിച്ചെങ്കിലും ഗോള് മാത്രം അകന്നുനില്ക്കുകയാണുണ്ടായത്.
ഒടുവില് നിശ്ചിത സമയമവസാനിക്കുമ്പോള് ഏകപക്ഷീയമായ ഒരു ഗോളിന്റെ ബലത്തില് മൊറോക്കോ സെമി ഫൈനല് ബെര്ത്തുറപ്പിച്ചു. അവസാന ചിരി മൊറോക്കോയ്ക്ക് സ്വന്തമായി. മത്സരം അവസാനിച്ച ശേഷം അത് വിശ്വസിക്കാനാവാതെ നില്ക്കുകയായിരുന്നു റൊണാള്ഡോ.
മത്സരശേഷം ഡ്രസ്സിങ് റൂമിലേക്ക് നടന്നുകയറുമ്പോള് അയാളുടെ ആ കണ്ണുകള് നിറഞ്ഞൊഴുകി. റൊണാള്ഡോ പൊട്ടിക്കരഞ്ഞു. താരം കരയുന്നതിന്റെ വീഡിയോ ചുരുങ്ങിയ നിമിഷം കൊണ്ട് ലോകമെങ്ങും പരന്നപ്പോള് കടുത്ത റൊണാള്ഡോ വിമര്ശകരുടെ നെഞ്ചകം പോലും ഒന്നുപിടഞ്ഞുകാണും.
നാല് വര്ഷങ്ങള്ക്ക് ശേഷം 2026-ല് നടക്കുന്ന ലോകകപ്പില് പങ്കെടുക്കുക എന്നത് റൊണാള്ഡോയെ സംബന്ധിച്ചിടത്തോളം അസാധ്യമായി. നിലവില് 37 വയസ്സുണ്ട് സൂപ്പര് താരത്തിന്. അതുകൊണ്ടുതന്നെ അവസാന ലോകകപ്പ് മത്സരവും കഴിഞ്ഞ് ലോകകിരീടത്തില് മുത്തമിടാനാവാതെ തിരിഞ്ഞുനടക്കുകയാണ് സിആര് സെവന്.
പോര്ച്ചുഗലിന് ആധുനിക ഫുട്ബോളില് ഒരു മേല്വിലാസം ചാര്ത്തിക്കൊടുത്ത ശേഷമാണ് റൊണാള്ഡോ അവസാന ലോകകപ്പ് മത്സരത്തിന് പിന്നാലെ തലതാഴ്ത്തിയാണ് നടന്നത്. ഇത്തവണയെങ്കിലും കിരീടം നേടണമെന്ന് റൊണാള്ഡോ അതിയായി ആഗ്രഹിച്ചിരുന്നു. കൊറിയയ്ക്കെതിരായ പ്രീ ക്വാര്ട്ടര് പോരാട്ടത്തില് പകരക്കാരനാക്കിയതില് അമര്ഷം പ്രകടിപ്പിച്ചെങ്കിലും റൊണാള്ഡോയ്ക്ക് തന്റെ ടീമിനേക്കാള് വലുതായി മറ്റൊന്നുമില്ല. ഒരു ലോകകിരീടം റൊണാള്ഡോ അര്ഹിച്ചിരുന്നെങ്കിലും വിധി മറ്റൊന്നായിരുന്നു.
"
https://www.facebook.com/Malayalivartha
