ഇംഗ്ലീഷ് പ്രീമിയര് ലീഗിലെ കരുത്തരുടെ പോരാട്ടത്തില് ടോട്ടനത്തിനെതിരേ ലെസ്റ്റര് സിറ്റിക്ക് തകര്പ്പന് ജയം....
ഇംഗ്ലീഷ് പ്രീമിയര് ലീഗിലെ കരുത്തരുടെ പോരാട്ടത്തില് ടോട്ടനത്തിനെതിരേ ലെസ്റ്റര് സിറ്റിക്ക് തകര്പ്പന് ജയം. ഒന്നിനെതിരേ നാലുഗോളുകള്ക്ക് മുന് ചാമ്പ്യന്മാര് ടോട്ടനം ഹോട്സ്പര്സിനെ കീഴടക്കി.
അതേ സമയം ബ്രെന്റ്ഫോര്ഡ് ആഴ്സണലിനെ സമനിലയില് തളച്ചു. മാഞ്ചെസ്റ്റര് സിറ്റിയുമായുള്ള കിരീടപ്പോരാട്ടത്തില് മുന്നേറാനുള്ള അവസരം ഗണ്ണേഴ്സ് നഷ്ടപ്പെടുത്തി.
തുടക്കത്തില് തന്നെ ഗോള് വഴങ്ങിയതിനുശേഷമാണ് ലെസ്റ്റര് ഗംഭീരമായി തിരിച്ചുവന്നത്. 14ാം മിനിറ്റില് റോഡ്രിഗോ ബെന്റന്കറാണ് സ്പര്സിന് ലീഡ് സമ്മാനിച്ചത്. എന്നാല് 23ാം മിനിറ്റില് നംപാലിസ് മെന്ഡിയിലൂടെ ലെസ്റ്റര് തിരിച്ചടിക്കുകയും ചെയ്തു.
മിനിറ്റുകള്ക്കകം ജെയിംസ് മാഡിസണിലൂടെ രണ്ടാം ഗോളും ലെസ്റ്റര് കണ്ടെത്തി. ആദ്യ പകുതിയുടെ ഇഞ്ചുറി ടൈമില് കെലെച്ചി ഇയാനാച്ചോയും വലകുലുക്കി. കളിയുടെ അവസാനം 81ാം മിനിറ്റില് ഹാര്വി ബാണ്സും ഗോള് പട്ടികയില് ഇടം കണ്ടെത്തിയതോടെ ടോട്ടനത്തിന്റെ പതനം സമ്പൂര്ണമായി.
അതേ സമയം ആഴ്സണലിനും സമനിലയോടെ തിരിച്ചടിയേറ്റു. സ്വന്തം തട്ടകമായ എമിറേറ്റ്സ് സ്റ്റേഡിയത്തില് ആസ്റ്റണ്വില്ലയാണ് ഗണ്ണേഴ്സിനെ തളച്ചത്. ഗോള്രഹിതമായ ആദ്യ പകുതിക്ക് ശേഷം പകരക്കാരനായിറങ്ങിയ ലിയാന്ഡ്രോ ട്രൊസ്സാര്ഡ് 66ാം മിനിറ്റില് ആഴ്സണലിനായി വലകുലുക്കിയെങ്കിലും 4ാം മിനിറ്റില് ഇവാന് ടോണിയിലൂടെ ബ്രെന്റ്ഫോര്ഡ് സമനിലഗോള് നേടുകയും ചെയ്തു.
"
https://www.facebook.com/Malayalivartha
