ഐ.പി.എല്ലില് ഇന്നലെ നടന്ന ആദ്യ മത്സരത്തില് ഡല്ഹി ക്യാപിറ്റല്സിനെ 77 റണ്സിന് കീഴടക്കി ചെന്നൈ സൂപ്പര് കിംഗ്സ്
ഐ.പി.എല്ലില് ഇന്നലെ നടന്ന ആദ്യ മത്സരത്തില് ഡല്ഹി ക്യാപിറ്റല്സിനെ 77 റണ്സിന് കീഴടക്കി ചെന്നൈ സൂപ്പര് കിംഗ്സ് പ്ലേ ഓഫ് ഉറപ്പിച്ചു. ആദ്യം ബാറ്റ് ചെയ്ത ചെന്നൈ 20 ഓവറില് 3 വിക്കറ്റ് നഷ്ടത്തില് 223 റണ്സ് എന്ന വമ്പന് സ്കോര് നേടുകയും ചെയ്തു.
മറുപടിക്കിറങ്ങിയ ഡല്ഹിക്ക് 20 ഓവറില് 9 വിക്കറ്റ് നഷ്ടത്തില് 146 റണ്സ് നേടാനെ കഴിഞ്ഞുള്ളൂ. 14 മത്സരങ്ങളില് നിന്ന് 8 ജയം നേടിയ ചെന്നൈ 17 പോയിന്റുമായി രണ്ടാം സ്ഥാനത്താണ്.
നേരത്തേ പുറത്തായിക്കഴിഞ്ഞ ഡല്ഹിക്ക് ഇത്രയും മത്സരങ്ങളില് നിന്ന് 10 പോയിന്റുമായി ഒമ്പതാം സ്ഥാനത്താണ്. ടോസ് നേടി ബാറ്റിംഗിനിറങ്ങിയ ചെന്നൈയ്ക്ക് നിര്ണായക മത്സരത്തില് റുതുരാജ് ഗെയ്ക്വാദും (50 പന്തില് 79), ഡെവോണ് കോണ്വെയും (52 പന്തില് 87) ഗംഭീര തുടക്കമാണ് നല്കിയത്.
ഇരുവരും ഒന്നാം വിക്കറ്റില് 87 പന്തില് 141 റണ്സിന്റെ കൂട്ടുകെട്ടുണ്ടാക്കി. 4.4 ഓവറില് ചെന്നൈ 50 കടന്നു. 12-ാം ഓവറിലെ രണ്ടാം പന്തില് നൂറും കടന്നു. 15-ാം ഓവറിലെ മൂന്നാം പന്തില് ഗെയ്ക്വാദിനെ റൂസ്സോയുടെ കൈയില് എത്തിച്ച് ചേതന് സക്കാരിയയാണ് കൂട്ടികെട്ട് പൊളിച്ചത്. 7 സിക്സും മൂന്ന് ഫോറും ഉള്പ്പെട്ടതാണ് റുതുരാജിന്റെ ഇന്നിംഗ്സ്.
കുല്ദീപ് യാദവിനെതിരെ റുതുരാജ് തുടര്ച്ചയായ മൂന്ന് സിക്സുകള് നേടിയിരുന്നു. പകരമെത്തിയ ശിവം ദുബെ 9പന്തില് 3 സിക്സുള്പ്പെടെ 22 റണ്സ് നേടി വേഗം സ്കോര് ഉയര്ത്തി. ദുബെയെ ഖലീല് അഹമ്മദിന്റെ ലളിത് യാദവാണ് പിടികൂടിയത്. പിന്നാലെ കോണ്വെയെ നോര്ക്യ പുറത്താക്കി. 11 ഫോറും 3 സിക്സും ഉള്പ്പെട്ടതാണ് കോണ്വെയുടെ ഇന്നിംഗ്സ്. 7 പന്തില് 3 ഫോറും 1 സിക്സും ഉള്പ്പെടെ 20 റണ്സ് നേടി ജഡേജ ചെന്നൈയെ ഇരുന്നൂറ് കടത്തി. ജഡേജയ്ക്കൊപ്പം ധോണിയും (5) പുറത്താകാതെ നില്ക്കുകയായിരുന്നു.
"
https://www.facebook.com/Malayalivartha