ഞാനും ലൈംഗികമായി പീഡിപ്പിക്കപ്പെട്ടിട്ടുണ്ട്... നടി സജിത മഠത്തില്‍
ലൈംഗിക പീഡനത്തിന് ഇരയായിട്ടുണ്ടെന്ന് തുറന്ന് പറഞ്ഞ് നടിയും സ്ത്രീ പ്രവര്‍ത്തകയുമായ സജിത മഠത്തില്‍. 'മി ടൂ' ക്യാമ്ബയിന്റെ ഭാഗമായാണ് സജിതയുടെ ഞെട്ടിക്കുന്ന വെളിപ്പെടുത്തല്‍. ലൈംഗിക പീഡനം മന:പൂര്‍വം നടക്കുന്ന ഒന്നാണെന്നും ഇതിനെതിരെ പ്രതികരിക്കാതിരിക്കരുതെന്നും സജിത തന്റെ ഫേസ്ബുക്ക് പോസ്റ്റിലൂടെ പറഞ്ഞു. പീഡനവുമായി ബന്ധപ്പെട്ട പ്രശ്‌നങ്ങള്‍ എത്രത്തോളം ഗുരുതരമാണെന്ന് സമൂഹത്തെ ബോധവത്ക്കരിക്കുകയാണ് 'മീ ടൂ' ക്യാമ്ബയിന്റെ ഉദ്ദേശം.
സജിതയുടെ ഫെയ്‌സ് പുക്ക് പോസ്റ്റ് :
കൗമാരകാലത്തും വലുതായപ്പോഴും പരിചയമുള്ളവരും അല്ലാത്തതുമായ പുരുഷന്‍മാരുടെ ലൈംഗികാതിക്രമത്തിന് ഞാന്‍ ഇരയായിട്ടുണ്ട്. ഉയര്‍ന്ന നിലയില്‍ പ്രവര്‍ത്തിക്കുന്നവര്‍, പ്രതിഭകള്‍ വളരെയധികം സ്മാര്‍ട്ടായവര്‍, സുഹൃത്തുക്കള്‍, ബന്ധുക്കള്‍ അങ്ങനെ ധാരാളം പുരുഷന്മാരുണ്ട്. ലൈംഗികാതിക്രമം അനിവാര്യമോ അപകടമോ അല്ല, മന:പൂര്‍വം നടക്കുന്നതാണ്. അത് തടയാനാവുമെന്നും എല്ലാവര്‍ക്കും അറിയാം.
ലൈംഗികമായി ആക്രമണം നേരിട്ട എല്ലാ സ്ത്രീകളും മീം ടൂ (ഞാനും) എന്ന് സ്റ്റാറ്റസായി ഇട്ടാല്‍ ഈ പ്രശ്‌നത്തിന്റെ ആഴം ജനങ്ങള്‍ക്ക് മനസിലാവും'
https://www.facebook.com/Malayalivartha
