അക്സര് 2വിൽ മസാല ചേര്ക്കാനായി നിര്മാതാക്കള് എന്നെ ഉപയോഗിച്ചു; ചുംബനരംഗങ്ങളുടെ ദൈര്ഘ്യം അനാവശ്യമായി കൂട്ടി; എല്ലാ സീനിലും ഞാന് അല്പവസ്ത്രധാരിണിയായി; സറീന് ഖാൻ
2010 ൽ അനിൽ ശർമ്മ സംവിധാനം ചെയ്ത വീർ എന്ന ചിത്രത്തിലൂടെയാണ് ബോളിവുഡ് സുന്ദരി സറീന് ഖാന്റെ അരങ്ങേറ്റം. സറീന് ഖാന്റെ ഏറ്റവും പുതിയ ഹിന്ദി ചിത്രമാണ് അക്സര് 2. ഈ സിനിമ റിലീസ് ആയതിനുശേഷം സറീന് ഖാന് അത്ര സന്തോഷവതിയല്ല.
ചിത്രം പുറത്തിറങ്ങിയപ്പോൾ മുതൽ ഓരോ പ്രശ്നങ്ങളാണ്. സിനിമയുടെ പ്രചരണ പരിപാടിക്ക് ഡൽഹിയിൽ എത്തിയ സറീന് ഖാന് നേരിടേണ്ടിവന്ന ദുരനുഭവം നടിത്തന്നെ നേരത്തെ വെളിപ്പെടുത്തിയിരുന്നു. ഇതിനുപിന്നാലെയാണ് മറ്റൊരു വെളിപ്പെടുത്തലുമായി നടി രംഗത്തെത്തിയത്.
അക്സര് 2വിൽ മസാല ചേര്ക്കാനായി നിര്മാതാക്കള് തന്നെ ഉപയോഗിച്ചുവെന്നാണ് സറീൻ പറയുന്നത്. ഒരു ദേശീയ മാധ്യമത്തിന് നല്കിയ അഭിമുഖത്തിലാണ് നിര്മാതാവ് ബജാജ് രാജിനെതിരെ സറീന് ആഞ്ഞടിച്ചത്. 'അക്സറിനായി സിനിമയുടെ അണിയറ പ്രവര്ത്തകര് എന്നെ സമീപിച്ചപ്പോള് തന്നെ അവര് എന്നോട് പറഞ്ഞത് ഹേറ്റ് സ്റ്റോറി 3 പോലൊരു ചിത്രമല്ല അക്സര് എന്നാണ്.
പക്ഷേ സിനിമ തുടങ്ങിയപ്പോള് അവരുടെ മട്ടുമാറി. എല്ലാ സീനിലും ഞാന് അല്പവസ്ത്രധാരിണിയായി നടക്കണമെന്നാണ് അവര് ആവശ്യപ്പെട്ടത്. ചുംബനരംഗങ്ങളുടെ ദൈര്ഘ്യം അനാവശ്യമായി വര്ധിപ്പിക്കുകയും ചെയ്തു. എന്തിനാണ് അവര് ഇത്തരത്തില് മസാല ചേര്ക്കുന്നത്? ഞാന് തുണിയുരിഞ്ഞാല് ജനങ്ങള് തീയറ്ററിൽ കയറുമെന്ന് എനിക്ക് തോന്നുന്നില്ല. അവരുടെ ചിന്താഗതി എനിക്ക് വ്യക്തമാകുന്നില്ല. സ്വന്തം സിനിമയില് വിശ്വാസം ഇല്ലാത്തവര്ക്കാണ് ഇത്തരത്തില് ചെയ്യേണ്ടി വരുന്നതെന്നും സറീൻ പറഞ്ഞു.
https://www.facebook.com/Malayalivartha