അജിത്തിനൊപ്പം അഭിനയിക്കണം; കീര്ത്തി സുരേഷ്
കീര്ത്തി സുരേഷ് തമിഴകത്തിന്റെ താരമായി മാറിയ കഴിഞ്ഞിരിക്കുന്നു. തമിഴകത്തിന്റെ തലൈ അജിത്തിനൊപ്പം അഭിനയിക്കാനാണ് താരത്തിന്റെ ഇപ്പോഴത്തെ മോഹം. പ്രിയദര്ശന് ചിത്രമായ ഗീതാഞ്ജലിയിലൂടെ അഭിനയ ലോകത്തേക്ക് എത്തിയ താരത്തിന് മലയാളത്തേക്കള് കൂടുതല് സ്വീകാര്യത ലഭിച്ചത് തമിഴില് നിന്നായിരുന്നു. മുന്നിര നായകന്മാര്ക്കൊപ്പമെല്ലാം അഭിനയിക്കാനുള്ള അവസരം ഇതിനകം തന്നെ കീര്ത്തിക്ക് ലഭിച്ചു.
വിജയ്, വിക്രം, സൂര്യ, ശിവകാര്ത്തികേയന് തുടങ്ങിയ യുവതാരങ്ങള്ക്കൊപ്പമെല്ലാം വേഷമിട്ട താരത്തിന് ഒരു പ്രമുഖ താരത്തിന്റെ കൂടെ നായികയായി അഭിനയിക്കാന് ആഗ്രഹമുണ്ടെണ്ടെന്നാണ് പറയുന്നത്. തമിഴകത്തിന്റെ സ്വന്തം താരമായ തലൈയോടൊപ്പം അഭിനയിക്കാന് ആഗ്രഹമുണ്ടെന്ന് കീര്ത്തി സുരേഷ് പറയുന്നു. അജിത്തിന്റെ നായികയായി സ്ക്രീനിലെത്തണമെന്ന താരത്തിന്റെ ആഗ്രഹത്തിന് സംവിധായകര് എങ്ങനെയാണ് പ്രതികരിക്കുന്നതെന്ന് കാത്തിരിക്കുകയാണ് പ്രേക്ഷകര്. ദുല്ഖര് സല്മാനോടൊപ്പം സാവിത്രിയിലാണ് കീര്ത്തി ഇപ്പോള് അഭിനയിക്കുന്നത്. ദേശീയ അവാര്ഡ് ജേതാവ് കൂടിയായ സാവിത്രിയുടെ ജീവിതകഥ പറയുന്ന ചിത്രത്തില് ശിവാജി ഗണേശനായാണ് ദുല്ഖര് സല്മാന് വേഷമിടുന്നത്.
https://www.facebook.com/Malayalivartha