സൗദിയില്‍ വനിതാ ജിംനേഷ്യത്തിന് ലൈസന്‍സ് നല്‍കാന്‍ തീരുമാനമായി
സൗദിയില്‍ ഈ മാസം അവസാനത്തോടെ വനിതകളുടെ ജിംനേഷ്യങ്ങള്‍ക്ക് ലൈസന്‍സ് നല്‍കാന്‍ തീരുമാനമായി. എല്ലാ ജില്ലകളിലും ജിനേഷ്യം ആരംഭിക്കുമെന്നും സ്‌പോര്‍ട്‌സ് അതോറിറ്റിയിലെ വനിതാ ക്ഷേമകാര്യ വിഭാഗം വൈസ് പ്രസിഡന്റ് റിമ ബിന്‍ത് ബന്‍തര്‍ രാജകുമാരി പറഞ്ഞു. ലൈസന്‍സ് നടപടികള്‍ക്കു നേതൃത്വം നല്‍കുന്നത് തൊഴില്‍, വാണിജ്യ, ഗ്രാമീണകാര്യ മന്ത്രാലയങ്ങള്‍ ചേര്‍ന്നാണ് .
കായിക ഇനങ്ങളില്‍ പരിശീലനം നല്‍കുന്ന ജിംനേഷ്യങ്ങള്‍ക്ക് ലൈസന്‍സ് നല്‍കില്ല. ശരീരഭാരം കുറയ്ക്കുന്നതിനും ഫിറ്റ്‌നസ് നിലനിര്‍ത്തുന്നതിനും മുന്‍ഗണന നല്‍കി നീന്തല്‍, ബോഡി ബില്‍ഡിങ് പരിശീലനം അനുവദിക്കും. ആരോഗ്യകരമായ ജീവിതശൈലി പിന്തുടരുക വഴി രോഗങ്ങളെ പ്രതിരോധിക്കാന്‍ വനിതകളെ പ്രാപ്തരാക്കുകയാണ് ജിംനേഷ്യങ്ങളുടെ ലക്ഷ്യമെന്ന് റിമ ബിന്‍ത് ബന്‍തര്‍ രാജകുമാരി പറഞ്ഞു. അതിനാല്‍ വനിതകള്‍ക്കിടയില്‍ ജിമ്മുകളിലെ പരിശീലനത്തിന്റെ ആവശ്യകതയെക്കുറിച്ച് ബോധവല്‍ക്കരണ ക്ലാസുകളും നടത്തും.
https://www.facebook.com/Malayalivartha
