മലബാര് ഗോള്ഡ് ആന്ഡ് ഡയമണ്ട്സ് ഉത്സവ സീസണ് തെന്നിന്ത്യന് താരം തമന്ന തുടക്കം കുറിച്ചു
തെന്നിന്ത്യന് താരം തമന്ന ബാട്ടിയ പ്രമുഖ ജ്വല്ലറി റീട്ടെയില് ബ്രാന്ഡായ മലബാര് ഗോള്ഡ് ആന്ഡ് ഡയമണ്ട്സിന്റെ ഉത്സവ സീസണിന് തുടക്കം കുറിച്ചു. ഒമാന് അവന്യൂസ് മാളില് നടന്ന ചടങ്ങില് മലബാര് ഗോള്ഡ് ആന്ഡ് ഡയമണ്ട്സ് റീജ്യനല് ഹെഡ് നജീബ് കെ, ഡയറക്ടര് ഖാമിസ് അല് മന്ദരി, ബ്രാന്ഡിംഗ് ആന്റ് മാര്ക്കറ്റിംഗ് ഹെഡ് സലീഷ് മാത്യൂ, ബ്രാഞ്ച് ഹെഡ് മുഹ്സിന് പി തുടങ്ങിയവര് സന്നിഹിതരായിരുന്നു. മധ്യപൗരസ്ത്യ ദേശം, ഫാര് ഈസ്റ്റ് തുടങ്ങിയ മേഖലകളില് നടത്തുന്ന കാമ്പയിന് പ്രകാരം ഉപഭോക്താക്കള്ക്ക് ആകെ 30 കിലോഗ്രാം സ്വര്ണം സമ്മാനമായി നേടാന് അവസരമുണ്ട്.
സ്വര്ണം, ഡയമണ്ട്, പ്ലാറ്റിനം, വിലയേറിയ കല്ലുകള് തുടങ്ങിയ ആഭരണങ്ങളുടെ അപൂര്വശേഖരവും ആഘോഷത്തിന്റെ ഭാഗമാണ്. 50 റിയാലിന് സ്വര്ണ, വജ്ര ആഭരണങ്ങള് വാങ്ങുന്നവര്ക്ക് നറുക്കെടുപ്പില് പങ്കെടുക്കാം. രണ്ടുദിവസം കൂടുമ്പോള് അരകിലോഗ്രാം സ്വര്ണമാണ് സമ്മാനം. 500 റിയാലിന് ഡയമണ്ട് ആഭരണങ്ങള് വാങ്ങുന്നവര്ക്ക് ഇതുകൂടാതെ, രണ്ടു ഗ്രാം സ്വര്ണ നാണയം ലഭിക്കും. 300 റിയാലിന്റെ ഡയമണ്ട് ജ്വല്ലറി വാങ്ങുന്നവര്ക്ക് ഒരു ഗ്രാം സ്വര്ണാഭരണം സമ്മാനമായി ലഭിക്കും. ഈ മാസം 28വരെ 10 ശതമാനം മുന്കൂര് തുക നല്കി ബുക്ക് ചെയ്ത് തിരഞ്ഞെടുത്ത ആഭരണങ്ങള് സ്വര്ണവിലയില് മാറ്റമില്ലാതെ വാങ്ങാനും അവസരമുണ്ടെന്ന് മാനേജ്മെന്റ് വാര്ത്താ കുറിപ്പില് അറിയിച്ചു.
https://www.facebook.com/Malayalivartha