വീട്ടുജോലിക്കാരിയെ ലൈംഗീകമായി പീഡിപ്പിക്കാന്‍ ശ്രമിച്ച സൗദി അറേബ്യന്‍ സ്വദേശിയെ യുവതി മൊബൈല്‍ ക്യാമറയിലൂടെ കുടുക്കി. സൗദി അറേബ്യയില്‍ വീട്ടു ജോലിക്കായി എത്തിയ ഫിലിപ്പൈന്‍ സ്വദേശിനിയ്ക്കാണ് ഇത്തരത്തിലൊരു ദുർഗതി നേരിടേണ്ടി വന്നത്.

യുവതിയെ ഇതിന് മുന്‍പും പല തവണ ഇയാള്‍ ഇത്തരത്തില്‍ ഉപദ്രവിക്കാന്‍ ശ്രമിച്ചിരുന്നു. ഒടുവിൽ സഹിക്കവയ്യാതെയാണ് ഈ സംഭവം മൊബൈല്‍ ക്യാമറ ഉപയോഗിച്ച്‌ റെക്കോര്‍ഡ് ചെയ്ത് വെക്കാന്‍ യുവതി തീരുമാനിച്ചത്.

രാത്രിയില്‍ യുവതിയുടെ അടുത്തേക്ക് വന്ന വീട്ടുടമസ്ഥന്‍ ശാരീരിക ബന്ധത്തിന് യുവതിയെ നിര്‍ബന്ധിക്കുകയായിരുന്നു. പല പ്രാവശ്യം നിര്‍ബന്ധിച്ചിട്ടും യുവതി വഴങ്ങിയില്ല. ഇതിന് ശേഷം തന്റെ ജനനേന്ദ്രിയത്തേയും കയ്യില്‍ പിടിച്ചായിരുന്നു ഇയാളുടെ പ്രകടനം. ഒടുവിൽ നിരാശനായി യുവതിയോട് ദേഷ്യത്തിൽ പുലമ്പിക്കൊണ്ട് വീട്ടുടമസ്ഥന്‍ മടങ്ങുന്നതാണ് ദൃശ്യങ്ങളിലുള്ളത്.

തുടർന്ന് യുവതി ഈ ദൃശ്യങ്ങള്‍ സൗദിയില്‍ തന്നെ ജോലി ചെയ്യുന്ന ഒരു ആണ്‍സുഹൃത്തിന് അയച്ചു കൊടുക്കുകയായിരുന്നു. ഇവര്‍ ഈ ദൃശ്യങ്ങള്‍ അധികൃതര്‍ക്ക് കൈമാറി. നിരവധി വനിതകള്‍ ഗള്‍ഫ് രാജ്യങ്ങളില്‍ തൊഴിലിടങ്ങളിലെ ചൂഷണത്തിന് വിധേയരാകാറുണ്ടെന്നാണ് പുറത്ത് വരുന്ന റിപ്പോര്‍ട്ടുകള്‍.