കേരളത്തില് ഐഎസ് ഭീകരര് ആക്രമണത്തിനു പദ്ധതിയിട്ടിരുന്നതായി വെളിപ്പെടുത്തല്
കേരളത്തില് മതനേതാക്കളെ വധിക്കാനും അഹമ്മദീയ പള്ളികള്ക്കു നേരെ ആക്രമണം നടത്താനും ഐഎസ് ഭീകരര് പദ്ധതിയിട്ടിരുന്നതായി വെളിപ്പെടുത്തല്. ഐഎസ് ബന്ധത്തെത്തുടര്ന്നു കഴിഞ്ഞ ഫെബ്രുവരിയില് ദേശീയ അന്വേഷണ ഏജന്സി (എന്ഐഎ) കസ്റ്റഡിയിലെടുത്ത കാസര്കോട് സ്വദേശി മൊയ്നുദീന് പാറക്കടവത്താണ് ചോദ്യംചെയ്യലില് ഇക്കാര്യം വെളിപ്പെടുത്തിയത്. ഹിന്ദു, ജമാഅത്തെ ഇസ്ലാമി നേതാക്കളായിരുന്നു ലക്ഷ്യമെന്ന് എന്ഐഎ വൃത്തങ്ങള് പറഞ്ഞു.
കഴിഞ്ഞ വര്ഷം കൊച്ചിയില് രാഹുല് ഈശ്വര് പങ്കെടുത്തുകൊണ്ടു ജമാഅത്തെ ഇസ്ലാമി നടത്തിയ പരിപാടിയില് ആക്രമണം നടത്തണമെന്ന് ഐഎസ് അംഗങ്ങള് ഉള്പ്പെട്ട ഓണ്ലൈന് ഗ്രൂപ്പില് അഭിപ്രായമുയര്ന്നു. ബൈക്ക്, ടിപ്പര് ലോറി എന്നിവ ഉപയോഗിച്ചുള്ള ആക്രമണമാണു ലക്ഷ്യമിട്ടിരുന്നതെങ്കിലും നടപ്പാക്കാനായില്ല.
ടെഹ്റാന് വഴി ഐഎസ് ആസ്ഥാനത്തേക്കുള്ള യാത്രയ്ക്കിടയില് ഐഎസ് ആഭിമുഖ്യമുള്ള അഞ്ചു മലയാളികളെ 2016 ജൂണില് കണ്ടുമുട്ടിയതായി മൊയ്നുദീന് പറഞ്ഞു. കാസര്കോട് സ്വദേശി ഷജീര് മംഗലശേരി അബ്ദുല്ലയും ഒപ്പമുണ്ടായിരുന്നു. മലയാളികളായ ഡോ. ഇജാസ്, മര്വാന്, മന്സദ്, ഹഫീസുദീന് എന്നിവരെയാണു കണ്ടത്. സംഘത്തിലെ അഞ്ചാമന്റെ പേര് ഓര്ക്കുന്നില്ലെന്നും ഇയാള് പറഞ്ഞു. കഴിഞ്ഞ ഡിസംബറില് അബുദാബിയില് അറസ്റ്റിലായ മൊയ്നുദീനെ ഫെബ്രുവരിയിലാണ് ഇന്ത്യയ്ക്കു കൈമാറിയത്.
https://www.facebook.com/Malayalivartha