ഒളിംപിക്‌സ് മെഡല്‍ ജേതാവ് പിവി സിന്ധു ഇനി ഡെപ്യൂട്ടി കളക്ടര്‍
ഒളിംപിക്‌സ് വെള്ളി മെഡല്‍ ജേതാവ് പിവി സിന്ധുവിന് ഡെപ്യൂട്ടി കളക്ടര്‍ തസ്തികയില്‍ ജോലി വാഗ്ദാനം ചെയ്ത് ആന്ധ്രാ ഗവണ്‍മെന്റ്. റിയോയിലെ മെഡല്‍ നേട്ടത്തിന് ശേഷം നടത്തിയ സ്വീകരണത്തില്‍ ആന്ധ്രാ മുഖ്യമന്ത്രി എന്‍ ചന്ദ്രബാബുവാണ് ജോലി വാഗ്ദാനം നടത്തിയത്.
ആന്ധ്രയുടെ ക്ഷണം സിന്ധു സ്വീകരിച്ചു. തെലുങ്കാന, ആന്ധ്ര സംസ്ഥാനങ്ങള്‍ സിന്ധുവിന് വേണ്ടി നടത്തിയ വടം വലിയും ഇതോടെ അവസാനിച്ചു. ആന്ധ്രയില്‍ തുടരാനാണ് സിന്ധുവിന്റെ തീരുമാനം. ഡെപ്യൂട്ടി കളക്ടര്‍ തസ്തികയില്‍ ജോലി നേടുന്നതോടെ എട്ടു വര്‍ഷത്തിനുള്ളില്‍ സിന്ധുവിന് ഐഎസ് ലഭിക്കും.
ജോലി സ്വീകരിക്കുന്നതായി അറിയിച്ചുള്ള സമ്മതപത്രം സിന്ധു ഗവണ്‍മെന്റിന് കൈമാറി. മെഡല്‍ നേട്ടത്തിന് പിന്നാലെ വലിയ ഉപഹാരങ്ങളാണ് ആന്ധ്രാ ഗവണ്‍മെന്റ് നല്‍കിയത്. നിലവില്‍ ഭാരത് പെട്രോളിയം കോര്‍പ്പറേഷന്‍ ലിമിറ്റഡില്‍ ഡെപ്യൂട്ടി മാനേജരാണ് സിന്ധു.
https://www.facebook.com/Malayalivartha
