ട്വന്റി 20യിലെ ധോണിയുടെ രീതിയെപ്പറ്റി തുറന്ന് പറഞ്ഞ് മുന് ഇന്ത്യന് നായകന് സൗരവ് ഗാംഗുലി
ഇന്ത്യയ്ക്ക് വിസ്മയകരമായ വിജയം സമ്മാനിച്ച മുന് ഇന്ത്യന് ടീം ക്യാപ്റ്റന് മഹേന്ദ്രസിംഗ് ധോണിക്കെതിരെ മുന് ഇന്ത്യന് നായകന് സൗരവ് ഗാംഗുലി. ട്വന്റി 20 യില് ധോണിയുടെ സമീപനം മാറ്റണമെന്ന് സൗരവ് ഗാംഗുലി പറഞ്ഞു. ട്വന്റി20യില് നിന്നും ധോണി മാറി നില്ക്കണമെന്ന് ആവശ്യപ്പെട്ട് മുന് താരങ്ങളായ അജിത് അഗാക്കര്, വി.വി.എസ് ലക്ഷ്മണ് എന്നിവര് രംഗത്തെത്തിയിരുന്നു. ഇതിന് പിന്നാലെയാണ് കുട്ടിക്രിക്കറ്റില് ധോണിയുടെ സമീപനം മാറ്റണമെന്ന് ആവശ്യപ്പെട്ട് ഗാംഗുലി രംഗത്തെത്തിയത്.
ഏകദിന മത്സരങ്ങളെ താരതമ്യം ചെയ്യുമ്പോള് ട്വന്റി20യിലെ അദ്ദേഹത്തിന്റെ പ്രകടനം മോശമാണ്.കുറച്ചുകൂടി വ്യത്യസ്തമായ രീതിയില് ട്വന്റി20 മത്സരങ്ങളെ സമീപിച്ചാല് അദ്ദേഹത്തിന് മികച്ച പ്രകടനം കാഴ്ചവയ്ക്കാന് സാധിക്കുമെന്നും ഗാംഗുലി പറഞ്ഞു. കഴിഞ്ഞ ന്യൂസിലാന്റ് പര്യടനത്തിലെ രണ്ടാം മത്സരത്തില് ഇന്ത്യ 40 റണ്സിന് പരാജയപ്പെട്ടിരുന്നു. ധോണിയുടെ മെല്ലപ്പോക്ക് ആയിരുന്നു പരാജയത്തിന്റെ പ്രധാന കാരണം. മത്സരത്തില് കൊഹ്ലി തകര്ത്തടിച്ച് മുന്നേറുമ്പോള് ക്രീസില് എത്തിയ ധോണിയുടെ ബാറ്റിംഗ് ഇന്ത്യയ്ക്ക് തിരിച്ചടിയായെന്ന്വിമര്ശനം ഉയര്ന്നിരുന്നു. ആദ്യ 18 പന്തില് 16 റണ്സ് മാത്രമാണ് ധോണിക്ക് നേടാനായത്. ഇതായിരുന്നു ഇന്ത്യയുടെ പരാജയത്തിന്റെ പ്രധാനകാരണം. ഇതിന് പിന്നാലെയാണ് ട്വന്റി20യിലെ ധോണിയുടെ പ്രകടനം ചോദ്യം ചെയ്ത് താരങ്ങള് രംഗത്തെത്തിയത്.
ഓള് റൗണ്ടര് ഹാര്ദിക് പാണ്ഡ്യയ്ക്ക് വിശ്രമം അനുവദിച്ച ഇന്ത്യന് ടീം അധികൃതരുടെ നടപടിയെയും ഗാംഗുലി ചോദ്യം ചെയ്തു. എനിക്ക് തോന്നുന്നില്ല അദ്ദേഹത്തിന് പരിക്ക് പറ്റിയിട്ടുണ്ടെന്ന്. വെറും മൂന്ന് മത്സരങ്ങളില് മാത്രമാണ് ഹാര്ദിക് കളിച്ചിട്ടുള്ളത്. ഈ പ്രായത്തില് അദ്ദേഹം കളിക്കുകയാണ് വേണ്ടതെന്നും ഗാംഗുലി പറഞ്ഞു.
https://www.facebook.com/Malayalivartha